O‘zbek legioneridan boshqasini zo‘r, deb bo‘lmaydi!

Belarus yoshlar terma jamoasini boshqargan mutaxassis Lyudas Rumbutis o‘z intervyusida 2022 yilgi mavsumda Belarus oliy ligasidagi eng yaxshi futbolchisi haqida fikr bildirdi.

- Joriy mavsumda Belarusning eng zo‘r futbolchisini aniqlashning shunchaki imkoni yo‘q. “Energetik-BGU” hujumchisi Bobur Abduxoliqovdan tashqari Belarus futbolida biror kimni alohida e’tirof etib bo‘lmaydi.

Men tushinib turibman, eng zo‘r o‘yinchini ushbu mamlakat pasportiga ega futbolchilar orasidan tanlashimiz kerak, lekin hech bo‘lmaganda masalan, Vadimir Xvashinskiyni eng zo‘r futbolchi deyolamizmi? U “Slaviya” jamoasiga bir o‘yinda to‘rtta gol urdi. Sen kuchliroq jamoa darvozasini ishg‘ol qilib ko‘r!

Yoki xorijda o‘ynayotgan belaruslar haqida gaplashamizmi? Chet elda Zaxar Volkov, Yevgeniy Yablonskiy, Aleksandr Pavloves, Vitaliy Lisakovich, Nikolay Zolotov bor.

Ukrainadagi holat tushunarsiz, Rossiyadagi o‘yinchilarimiz bir o‘ynasa, boshqa payt jarohatda. Eng zo‘r futbolchi esa, muntazam asosiy tarkibda o‘ynaydigan, uchrashuv taqdirini hal qiladigan, jamoaning yetakchisi bo‘lishi kerak. Xorijdagi belaruslar orasida bunaqasi yo‘q. Buni terma jamoamiz ham tasdiqlab turibdi. Natija yo‘q, yorqin o‘yinchilar ham.

O‘tgan yili ham mendan Belarusning eng yaxshi futbolchisi sifatida kimni tanlashimni so‘rashgan edi. Hech kimni tanlamadim, arzirli nomzod topilmadi. Andrey Soloveyni tanlashdi. Hozir nimani ko‘ryapmiz? Yangi jamoaga o‘tdi va asosiy tarkibga kirolmay qoldi. Zo‘r o‘yinchi har qanday jamoaga kelsa ham, o‘z o‘rnini topa oladi. Agar u “Gomel”dan chempion jamoaga o‘tgan bo‘lsa ham. Xatto Stasevich va Skavish ham “Shaxtyor”ga o‘tib, bazo‘r o‘ynadi, Soloveyni aytmasa ham bo‘ladi.

- Shunga qaramay, nomzodlar ko‘rsatsangiz?
- O‘ziga jalb qilgan belaruslar yo‘q. Georgiy Kondratev to‘g‘ri aytgan: Belarusda boshqalar intiladigan o‘yinchilar yo‘q. Avval Vitaliy Lisakovich gol urardi, o‘yini yorqin edi, keyin o‘yini pasaydi va hozir Rossiya birinchi ligasida yuribdi. Bu chempionatning saviyasi bizning oliy ligamizdan gap.

- Hozir eng yaxshi futbolchini tanlash imkoni bo‘lmayotgani milliy futbolimizning inqirozimi yoki shunchaki. Yangi yulduzlar yetishib chiqmayaptimi?
- Futbol inqirozi, deb o‘ylayman. Hozir bir necha yillar davomida oqim bo‘ylab suzganimiz samarasini ko‘ryapmiz. Avvallari “Dinamo” va BATE, ba’zan terma jamoa yaxshi o‘yinlar ko‘rsatib turardi va biz har doim shunday davom etadi, deb ishonib qoldik. Rivojlanish uchun 90-yillarda jiddiy qadamlarni tashlash kerak edi.

- Juda xafa bo‘ldim...
- UYEFAning Yevrokuboklar reytingida oxirgi o‘rinda turganimizdan keyin qanday qilib xursand bo‘laylik?! Futbolchilarning o‘zlari ham faoliyatlarining boshidan fidoyilik ko‘rsatishni istamayapti-ku. Shunday davom etar ekan, yorqin kelajakdan kutishdan foyda yo‘q.

Ta’kidlash joizki, Bobur Abduxoliqov Belarus chempionatining eng sermahsul o‘yinchisiga aylandi. Aynan legionerimizning xatti-harakatlari tufayli “Energetik-BGU” o‘z tarixida ilk bor Belarus chempionati sovrinlari, hatto mamlakat chempionligi uchun kurashni davom ettirmoqda.

“Nasaf” tarbiyalanuvchisining o‘zi chempionatda 23 ta gol va oltita assist bilan musobaqaning eng foydali o‘yinchisi va to‘purarlar poygasi peshqadami bo‘lib turibdi.

Shuningdek, mutaxassislar “Energetik-BGU”ning asosiy himoyachisiga aylanib qolgan 18 yoshli Abdulqodir Husanovning o‘yinlarini ham yuqori baholamoqda. Kuchli zarbaga ega hamyurtimiz himoyani mustahkam ushlashi bilan birga hujumni ham faol qo‘llab-quvvatlaydi. Husanov legioner sifatidagi debyut mavsumida 23 ta uchrashuvda maydonga tushib, uchta gol va to‘rtta assist qayd etdi. “Zamin” yangiliklarini “Instagram”da kuzatib boring