Kuchli beshlik chempionatlariga qadam qo‘ygan o‘zbekistonlik birinchi futbolchi Ilyos Zeytullayev Rossiya matbuotiga bergan “Roma”da qiyin davrlarni boshdan o‘tkazayotgan Eldor Shomurodov haqida fikr bildirdi.
Ma’lumki, Ilyos Zeytullayev 2001-2014 yillar davomida Italiyada “Yuventus”, “Redjina”, “Krotone”, “Jenoa”, “Vichensa”, “Verona”, “Peskara”, Xorvatiyada “Goritsa” kabi jamoalar sharafini himoya qilgan.
Angrenlik hujumkor futbolchi Italiyaning turli ligalarida jami 144 ta uchrashuvda maydonga tushib, raqiblar darvozasini 13 marotaba ishg‘ol qilgan.
Zeytullayev hisobida O‘zbekiston milliy terma jamoasi safida o‘tkazilgan o‘nta bellashuv va Osiyo kubogi saralash turnirida Bangladesh hamda Qatar terma jamoalari darvozasiga kiritilgan ikkita gol ham bor.
Eldor Shomurodov kuchli beshlik chempionatlaridagi ikkinchi vakilimiz hisoblanadi. 2020 yili “Jenoa”ga ko‘chib o‘tgan Shomurodov hozir “Roma”da to‘p tepyapti. Surxondaryolik hujumchi kuchli beshlik chempionatlarida gol urgan birinchi o‘zbek o‘yinchisi sifatida tarixda qolgan.
Shomurodovning “Roma” bilan shartnomasi 2026 yilning 30 iyuniga qadar tuzzilgan. Bu mavsum jami yettita uchrashuvda 85 daqiqa o‘ynagan 27 yoshli forvard qishki transferlar vaqtida boshqa jamoaga o‘tishi mumkinligi haqida xabarlar tarqatilmoqda.
Italiya matbuotining yozishicha, o‘zbek futbolchisiga “Torino” va “Boldonya” qiziqish bildiryapti.
Ilyos Zeytullayev intervyu davomida Shomurodovga maslahat berdi.
- Shaxsiy fikrim shunday – Eldor uchun “Roma”da o‘ynash katta imtiyoz. Men unga mavsumni Rimda tugatib olishni maslahat bergan bo‘lardim. To‘g‘ri u asosiy tarkib o‘yinchisi emas, lekin maydonga tushirilyapti.
- “Torino” yoki “Bolonya”ga o‘tish Eldor uchun pasayish bo‘ladimi? Yoki o‘yin amaliyoti muhimmi?
- “Roma”da yuqori darajaga ko‘tarildi. Rim klubidan keyin faqat “Inter” yoki “Yuventus”ga o‘tishi kerak. Men mavsumni Rimda tugatishini taklif qilgan bo‘lardim. Lekin buni Joze Mourinodan so‘rash kerak. U Eldorga ishonch bildirarmikin.
Agar Mourino: “Eldor, o‘zingga boshqa klub top”, desa, albatta bunday vaziyatda o‘yin amaliyoti beradigan “Bolonya” yoki “Torino”ga o‘tgani ma’qul.
- Nima deb o‘ylaysiz, Shomurodovga “Roma”da Abraxam va Belotti bilan raqobatlashish qiyinmi?
- Italiyada “Roma”ga muxlislik qiladigan tanishlarim ko‘p. Ularga Shomurodov juda yoqadi. Ular futbolchimiz haqida iliq fikr bildiradi. Eldor maydonga tushsa, kurashadi va ortga qaytib, himoyachilarga ham ko‘maklashadi. Ular Shomurodov nega kam o‘ynayotganidan hayron bo‘lyapti.
Abraxam “Chelsi”dan kelgan, buni to‘g‘ri qabul qilish mumkin. Dzanolo bilan ham raqobatlashish Shomurodovga qiyinroq bo‘ladi. Lekin Eldor Belotti va El-Shaaravidan umuman qolishmaydi. Eldor – kamtar yigit. U kurashishni davom ettirishi kerak, deb o‘ylayman. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Rashida Tolib Kongress a’zolariga «achchiq haqiqat»ning suratini ko‘rsatdi
20 yoshli o‘zbekistonlik qizni qarindoshi Turkiyaga sotib yubordi
KXDR yetakchisi dronlarni ommaviy ishlab chiqarishni yo‘lga qo‘yishni buyurdi
Bayden va Jinping Peruda uchrashdi: «Agar bir-birimizni raqib deb bilsak, munosabatlarni buzamiz»
Shols va Putin o‘rtasidagi suhbat Kiyevga signal bo‘ldi
Turkiyaning Harper's Bazaar nashri yil ayolini aniqladi (foto)
Buyrak salomatligi uchun eng foydali sabzavot...
Ayrim boshqaruv servis kompaniyalari shartnomalarida asossiz shartlar belgilangani aniqlandi
