Arveladze: "Qatardagi JCHda ishtirok etayotgan Osiyo jamoalarining hech birini O‘zbekistondan kuchli deb o‘ylamayman"

"Paxtakor" klubining sobiq bosh murabbiyi Shota Arveladze Championat.asia saytiga eksklyuziv intervyu berib, jahon chempionati haqidagi fikrlari bilan o‘rtoqlashdi.

- Jahon chempionati o‘yinlari haqida fikringiz?
- Albatta, yaxshi. Jahon chempionatini kuzatish doim qiziqarli. Biroq o‘yinlarning boshlanish vaqtlarida avvalgi turnirlardan farq qilmoqda. Menimcha ilk o‘yinlar yaxshi o‘tdi.

- Jahon chempionatining favoritlari kimlar deb o‘ylaysiz?
- Bu savolga javob berish juda qiyin bo‘lsa kerak. Menimcha, turnir favoritlari — Braziliya va Fransiya.

- Osiyo jamoalarining bunday yaxshi harakatini tasodif deb o‘ylaysizmi?
- Yo‘q, bu natijalar tasodif emas. Osiyoda futbolni rivojlantirish uchun ancha ishlar va mablag‘lar sarf qilinmoqda. Shuningdek, Jahon chempionati juda issiq vaqtda o‘tkazilayotganini ham hisobga olish kerak. Osiyo jamoalarining jismoniy holati ham hozirda juda yaxshi holatda. Bitta narsani unutmaslik lozim: ular hozirda juda katta summalar sarf qilishmoqda va bu ularning o‘yinlariga yaxshi tomondan ta’sir qilmoqda.

- Jahon chempionatida qaysi o‘yinchini alohida ko‘rsata olasiz?
- Hozircha syurpiz sodir bo‘lmadi. Endigina birinchi tur bahslari yakunlandi va bu haqida gapirish juda erta. Fransiya, Ispaniya va Angliya terma jamoalarida bir qator yosh iste’dod egalari bor. Hozircha aniq kimdir "portlab" chiqmadi.

- Bosh murabbiylar orasida do‘stlaringiz ko‘p. Bilamizki, Lui van Gaal siz bilan juda yaxshi aloqadasiz. Shuningdek, jahon chempionatida ishtirok etayotgan qaysi bosh murabbiy bilan aloqalaringiz yaxshi?
- Men van Gaal uchun qattiq qayg‘urmoqdaman. Menimcha, bu uning uchun so‘nggi jahon chempionati bo‘ladi. U bir necha bor katta futbolga qaytmasligini aytdi, biroq futboldan ketish juda qiyin. Qolgan murabbiylarning o‘yinlarini deyarli kuzatmayapman. Men barcha murabbiylarga omad tilab qolaman.

- Osiyo jamoalarining yaxshi ishtirokidan kelib chiqib, O‘zbekiston terma jamoasi haqida nima deya olasiz? Ularga jahon chempionatiga chiqish uchun nima yetishmadi deb o‘ylaysiz?
- O‘zbekistonda yaxshi tashkilotchilik yo‘q deb o‘ylayman. Chempionatni tashkil qiladigan tashkilot hali bu darajaga chiqqan deb o‘ylamayman. Sizlarda yaxshi futbolchilar, futbolni sevuvchilar bor. Qatardagi jahon chempionatida ishtirok etayotgan Osiyo vakillarining hech birini O‘zbekistondan kuchli deb o‘ylamayman. Adashmasam, keyingi jahon chempionatida ishtirokchilar soni oshadi va Osiyoga yanada ko‘proq o‘rin beriladi. Shuni hisobga olgan holda hukumat ham futbolga yordam berish kerak deb o‘ylayman.

- Ushbu jahon chempionatida kimga muxlislik qilmoqdamiz?
- Messiga muxlislik qilmoqdaman. Bu uning uchun so‘nggi mundial bo‘lishi mumkin va undan nimadir qilishini kutmoqdaman. U doim shunday aqlbovar qilmas ishlarni qila olgan. Menimcha, o‘zi uchun so‘nggi jahon chempionatida hammaga haqiqiy Messini ko‘rsatib qo‘yadi. “Zamin” yangiliklarini “Instagram”da kuzatib boring