Bugun O‘zbekiston Futbol Assotsiatsiyasida Xorvatiya futboli faxriysi, O‘FA texnik direktorligiga nomzod Alyosha Asanovich va FIFA texnik konsultanti Gayoz Darsadze bilan uchrashuv bo‘lib o‘tdi.
Futbol kundan kunga rivojlanib bormoqda va murabbiylik, boshqaruv faoliyatlari, xususan, texnik direktor lavozimi doimiy ravishda bilimlarni oshirib borish, zamonaviy tendensiyalarni kuzatish hamda joriy etishni talab qiladi. Suhbat davomida ana shu masalalar haqida so‘z bordi.
Akademiyalardagi ta’lim va mashg‘ulotlar bevosita texnik direktorlar nazorati ostida ekanligi, barcha jarayonlarni tashkil etishda bu mutaxassislarning bilim va saviyasi muhim ekanligi ta’kidlandi. FIFA texnik konsultanti Gayoz Darsadze O‘zbekistonda bu yo‘nalish bo‘yicha bir qancha loyihalar ishga tushirilganini aytib, FIFA talablari asosida mutaxassislarni tayyorlash bo‘yicha ma’lumot berib o‘tdi.
O‘z o‘rnida, xorvatiyalik mutaxassis Alyosha Asanovich avvalgi tashriflari davomida bir nechta hududlarimizda bo‘lgani, O‘zbekistonda iqtidorli va texnik jihatdan kuchli futbolchilar ko‘p ekanligini qayd etdi. Biroq asosiy vazifa murabbiylarni saviyasini yanada oshirish, bu borada ularga professional va ilmiy asoslangan ta’lim berishni yangi bosqichga olib chiqish kerakligini ta’kidladi.
Konstruktiv ruhda o‘tgan uchrashuvda ishtirokchilar bir qator yo‘nalishlar yuzasidan o‘zaro fikr almashdilar hamda oldinda turgan rejalarni muhokama qildilar.
Ma’lumot uchun, Alyosha Asanovich Jahon chempionati ishtirokchisi hisoblanib, faoliyati davomida ko‘plab nomdor jamoalar, xususan, "Monpele", "Xayduk", "Valyadolid", "Napoli" va "Derbi Kaunti" kabi jamoalarda to‘p tepgan. Murabbiy sifatida Xorvatiya U-21 va milliy terma jamoada ishlagan. Texnik direktor sifatida bir qancha klublarda tajriba to‘plagan.
Manba: O‘FA matbuot xizmati “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Global ochlik va qashshoqlikka qarshi kurash alyansiga 82 mamlakat a’zo bo‘ldi
Tyumen oblastiga O‘zbekistondan mehnat migrantlari ishga jalb qilinadi
Turkiya Isroil prezidenti samolyotini havo hududiga kiritmadi
KXDR Rossiyaga 100 minggacha harbiy yuborishi mumkin
Organizm o‘zini toksinlardan qanday tozalaydi?
Buyrak salomatligi uchun eng foydali sabzavot...
Ijtimoiy tarmoqlar davrida ruhiy salomatlikni qanday saqlash mumkin?
Donald Tramp 27 yoshli Karolin Levittni Oq uy matbuot kotibi etib tayinlamoqchi
