O‘zbekiston futzal terma jamoasi mart oyida Braziliyaga qarshi o‘yinlar o‘tkazadi

^{Foto: O‘FA}
Futzal bo‘yicha O‘zbekiston milliy terma jamoasi mart oyida o‘zining navbatdagi yig‘inini o‘tkazadi. Bu haqda O‘FA matbuot xizmati ma’lum qildi.

Ushbu yig‘in doirasida Bahodir Ahmedov shogirdlari Braziliyaga qarshi o‘rtoqlik o‘yinlarida ishtirok etadi. O‘yinlar 4 va 5 mart kunlari Braziliyaning Karlus-Barboza shahrida o‘tkaziladi.

Braziliya terma jamoasi futzal bo‘yicha besh karra jahon chempioni hisoblanadi. So‘nggi bor jamoa 2012 yilda o‘tgan mini-mundialda chempionlikni qo‘lga kiritgandi.

O‘zbekiston terma jamoasi 2022 yilning oktabrida o‘tgan Osiyo Kubogida bronza medaliga chiqdi.

O‘zbekistonlik futzalchilar avvalroq Belarusga qarshi ikkita o‘rtoqlik o‘yini o‘tkazib, ularda mag‘lubiyatga uchragandi (1:3, 4:7). “Zamin”ni Telegramʻda oʻqing!