16:10 / 03.06.2016
9 422

Evro-2016. A guruhi. "Maydon egalari" mehmondo‘stlik qilarmikan?

Evro-2016. A guruhi. "Maydon egalari" mehmondo‘stlik qilarmikan?
«Zamin.uz» blogi Evro-2016 da qatnashuvchi A guruhi jamoalaridan nimalar kutish mumkinligi haqida o‘z fikrlari bilan o‘rtoqlashadi.

Albaniya.
Reytingi FIFA da: 45-o‘rin.
Reytingi UEFA da: 31-o‘rin.
Assosiasiya tashkil topgan yil: 1930.
Laqabi: "burgutlar".
Evropadagi eng yaxshi ko‘rsatkichi: guruh bosqichi (2016).

Albaniya terma jamoasi birinchi marta bunday katta turnirda ishtirok etish huquqini italiyalik bosh murabbiy Djanni De Byazi qo‘l ostida qo‘lga kiritishdi.

Kvalifikasiya. Albaniyaliklar o‘z guruhida Portugaliyadan keyin 2-o‘rinni egallashdi. Ular guruhidagi Daniya, Serbiya va Armaniston kabi terma jamoalarni ortda qoldirishga muvaffaq bo‘lishdi. Bu Albaniya terma jamoasini kuchini ko‘rsatuvchi holat emas. Armaniston terma jamoasi guruh o‘yinlarida umuman o‘ziga o‘xshamadi, ya’ni bor yo‘g‘i 2 ochko jamg‘ara oldi, xolos. Serblar bilan albanlar kulgili texnik g‘alabaga erishdi. Portugallar ustidan erishilgan g‘alaba esa raqibning asosiy yulduzisiz hamda unchalik mensimasdan o‘ynaganligi sababli deyishimiz mumkin.
Statistika: 8 o‘yin, 4 g‘alaba, 2 durang va 2 mag‘lubiyat, to‘plar nisbati 10-5 (Serbiyaga qarshi janjalli texnik g‘alabani ham qo‘shgan holda).
Tarkib. Tarkibda yorqin nomlar porlamaydi. Termadagi eng qimmat futbolchi - 22 yoshli himoyachi Elseid Xyusay, Italiyaning «Napoli» klubida ishtirok etadi, uning transfer narxi (transfermarkt.de bahosi bo‘yicha) 9 mln. evro. Bunga yana «Lasio» klubi darvozaboni Etrit Berish va terma jamoa sardori, «Nant» klubi o‘yinchisi markaziy himoyachi Lorik Sanni qo‘shish mumkin.
Jamoaning o‘rtacha yoshi: 27,6 yosh. O‘rtacha qiymati: 1,78 mln. evro.
Taxmin: ruminlar bilan 3-o‘rin uchun kurash olib boradi, 1/8 finalda ishtirok etishi ham mumkin.

Ruminiya.
Reytingi FIFA da: 19-o‘rin.
Reytingi UEFA da: 18-o‘rin.
Assosiasiya tashkil topgan yil: 1909.
Laqabi: "uchranglilar".
Evropadagi eng yaxshi ko‘rsatkichi: 1/4 final (2000)

«Ruminiya terma jamoasi o‘zining eng yaxshi ko‘rsatkichiga 1994 yili AQShda George Xadji bilan chorak finalgacha chiqishgan, penaltilar seriyasida shvedlarga yutqazgan edilar.

Jamoa EVRO-2016 ga chiqish vazifasini ruminlarning JCh-1994 dagi bosh murabbiyi Angel Yordenesku rahbarligida mag‘lubiyatsiz bajarishdi.

Kvalifikasiya. Ruminiya – 10 ta uchrashuvdan birontasida mag‘lubiyatga uchramagan 4 ta terma jamoadan biri. Ruminlarga 5 g‘alaba va 5 durangga erishish ham o‘z guruhida birinchi o‘rinni egallash imkonini bermadi. Ular Shimoliy Irlandiyaga guruh g‘olibligini berishib, vengrlar, finlar, greklar va Farer orollarini ortda qoldirishdi.
Statistika: 10 o‘yin, 5 g‘alaba, 5 durang, to‘plar nisbati 11-2.
Tarkib. Guruh o‘yinlarida Ruminiyaning eng kam (bor yo‘g‘i 2 ta) gol o‘tkazib yuborganligini hisobga olib, bu terma jamoaning himoyasida asosan yulduzlar to‘p surishini bilib olish qiyin emas. Bular - himoyachilar 34 – yoshli veteran Razvan Ras, jamoa sardori Vlad Kirikesh (6 mln. evro), «Napoli» da o‘ynaydi, yana 2 ta darvozabon Kostel Pantilimon («Uotford», 6 mln. evro) va Chiprian Teterushanu («Fiorentina», 5 mln. evro).
Jamoaning o‘rtacha yoshi: 28,7 yosh. O‘rtacha qiymati: 2,43 mln. evro.
Taxmin: ruminlarda guruhda 3-o‘rinni egallash ehtimoli albanlarga nisbatan ko‘proq, shu bilan birga Angel Yordenesku shogirdlarida Shveysariyani ortda qoldirib guruhda 2-o‘rinni egallashi uchun ham kuchi etarli.

Shveysariya.
Reytingi FIFA da: 14-o‘rin.
Reytingi UEFA da: 10-o‘rin.
Assosiasiya tashkil topgan yil: 1985
Laqabi: «shvayser nati» (Schweizer Nati)
Evropadagi eng yaxshi ko‘rsatkichi: guruh bosqichi (1996, 2004, 2008)

«— Biz Fransiyaga o‘z kuchimizga ishongan holda bormoqdamiz, kamida bir bosqich oldinga siljishni xohlaymiz. Bizda yaxshi yosh jamoa mavjud, hatto o‘z kuchimiz bilan finalgacha ham bora olishimiz mumkin, buning uchun faqat birinchi o‘yinni yutishimiz lozim.» (Jerdan Shakiri, Shveysariya terma jamoasi yarim himoyachisi).
Shveysariya terma jamoasi Evropa chempionatlarining final qismida 3 bora ishtirok etgan va har safar guruh bahslaridan nariga o‘ta olmagan. 2008 yili shveysariyaliklar Avstriya bilan birga Evropa chempionatini o‘z uylarida o‘tkazishgan edi.
Evro-2008 ning maydon egalari Shveysariya va Avstriya 2000 yilda Belgiyada bo‘lib o‘tgan turnirda ham ishtirok etishgan, lekin o‘z guruhlaridan chiqa olishmagan.

Kvalifikasiya. E guruhida Shveysariya 2-o‘rinni egallagan, har ikki o‘yinda angliyaliklarga yutqazib ularni oldinga o‘tkazib yuborgan. Yana bir mag‘lubiyatga ular sloveniyaliklarga qarshi o‘yinda uchrashgan. Qolgan 7 o‘yinning barchasida ular g‘alaba qozonishgan, ya’ni Sloveniyani 1 marta, Estoniya, Litva va San-Marinoni 2 martadan mag‘lubiyatga uchratgan.
Statistika: 10 o‘yin, 7 g‘alaba, 3 mag‘lubiyat. To‘plar nisbati: 24-8.
Tarkib. Shveysariyaliklar tarkibida yorqin futbolchilar yo‘q, lekin ularning tarkibida evropa darajasidagi ko‘plab kuchli futbolchilarni ko‘rish mumkin. Masalan, Yan Sommer va Roman Byurki menxengladbax va dortmundning «Borussiya» klublari darvozabonlari, qanot himoyasida jamoa veterani Stefan Lixshtayner («Yuventus») va Chempionlar ligasi chorak finalchisi Rikardo Rodriges («Volfsburg»). Shuningdek, yarim himoya chizig‘ida 23-yoshli Granit Jaka («Arsenal»), hujum chizig‘ida «Stok Siti» futbolchisi Jerdan Shakirini misol qilishimiz mumkin, u saralashning 9 o‘yinida 4 ta gol urgan.
O‘rtacha yoshi: 26,1 yosh. O‘rtacha qiymati: 7,5 mln. evro.
Taxmin: Shveysariya terma jamoasi A guruhida 2-o‘rinni egallashi mumkin. Ular albanlar va ruminlardan 3 ochkodan olishi zarur, 1-o‘rinni esa maydon egalari o‘ziniki qilsa kerak. Shveysariyaning keyingi taqdiri qanday kechishi mumkin? Ular Evro-2016 ning chorak finaligacha borishlari uchun etarli kuchga egalar

Fransiya.
Reytingi FIFA da: 21-o‘rin.
Reytingi UEFA da: 8-o‘rin.
Assosiasiya tashkil topgan yil: 1919
Laqabi: «uchranglilar»
Evropadagi eng yaxshi ko‘rsatkichi: g‘oliblik (1984, 2000)

«Uchranglilar» Fransiyada o‘tkazilgan musobaqalarda an’anaviy ravishda yaxshi o‘yin ko‘rsatib kelishgan. Ular 1984 yili Evropa chempioni bo‘lishgan, shunda Mishel Platini musobaqaning final qismida 9 ta gol urib rekord o‘rnatgan edi. 1988 yili esa o‘z maydonlarida Jahon chempioni bo‘lishgan edi, mazkur turnirning bosh qahramoni afsonaviy Zinedin Zidan bo‘lgan edi. Oradan 2 yil o‘tib fransuzlar yana Evropa chempioni bo‘lishdi, 2006 yili esa Germaniyada o‘tkazilgan Jahon chempionatida italiyaliklarga finalda yutqazib 2-o‘rin bilan kifoyalanishgan edi. Keyingi paytlarda “uchranglilar” katta turnirlarda o‘zini ko‘rsata olishgani yo‘q. 2008 va 2010 yili fransuzlar o‘z guruhlaridan chiqa olishmadi, Evro-2012 da esa 1/4 finalgacha borishdi, xolos.

«– Biz guruhimizdagi ikki raqibimizni yaxshi bilamiz:Albaniya bilan yaqinda 2 marta o‘yin o‘tkazdik, to‘g‘ri, ularni mag‘lubiyatga uchrata olmadik, Shveysariyaga qarshi Jahon chempionatida to‘p surganmiz. Biz ularni bilamiz, ular esa bizni. Ruminiya terma jamoasini esa biz yaxshi bilmaymiz, ular saralash o‘yinlarida himoyasi kuchli ekanligini namoyish etishdi:bor yo‘g‘i 2 ta gol o‘tkazishdi, 5 g‘alaba, 5 durang. Eng muhim o‘yin biz uchun aynan Ruminiya bilan bo‘lib o‘tadi, ya’ni turnirning ochilish o‘yini. Orqaga qarashga ulgurmaymiz, ha demay bu vaqt kelib qoladi.» (Dide Desham, Fransiya terma jamoasining bosh murabbiyi)
Fransuzlar saralash o‘yinlaridan ozod qilingan edi, maydon egasi sifatida, o‘rtoqlik o‘yinlari esa har doim ham aniq kartinani belgilab bermaydi. Garchi “uchranglilar” o‘rtoqlik uchrashuvlarida to‘liq kuch bilan o‘ynashgan bo‘lishsa ham, oxirgi yilda Germaniya, Portugaliya, Daniya va Serbiya ustidan g‘alaba qozonishgan bo‘lsa ham aniq xulosa chiqarib bo‘lmaydi.
Tarkib. Karim Benzema Evro-2016 da o‘ynamaydi, shuning uchun maydon egalarining ushbu turnirdagi asosiy yulduz o‘yinchilarii Pol Pogba («Yuventus») va Chempionlar ligasi finalchisi Antuan Grizmann («Atletiko» Madrid) bo‘ladi. Darvozani ishonchli tarzda Ugo Loris («Tottenxem») qo‘riqlaydi, Dide Desham jamoasining boshqa pozisiyalarida bir nechta variantlar bor va ular Fransiya terma jamoasining hozirgi mashhurligini ko‘rsata oladilar. Jamoa tarkibida barqaror o‘yin ko‘rsata oladigan, etarli tajribaga ega va yosh o‘yinchilar talaygina.
O‘rtacha yoshi: 27,8 yosh. O‘rtacha qiymati: 19,74 mln. evro.
Taxmin. O‘z guruhida g‘olib bo‘ladi. Buning ajablanarli joyi yo‘q, agar ular Evropa chempionatining finalida o‘ynasa.


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Sport » Evro-2016. A guruhi. "Maydon egalari" mehmondo‘stlik qilarmikan?