“Roma”da mavsum yakunlanishi bilan tarkibda jiddiy o‘zgarishlar bo‘lishi kutilmoqda. Yanglanish asosan hujum chizig‘ida bo‘ladi.
Bir necha manbalar jamoaning yetakchi hujumchisiga aylangan Paulo Dibalani katta klublar olib ketib qolishini yozmoqda. Argentinalik jihon chempionining o‘zi ham Yevropa Chempionlar ligasida muntazam qatnashadigan grandlardan biriga o‘tishga qarshi emas.
Qolaversa, Rim klubi rahbariyati Joze Mourino o‘rniga murabbiy qidira boshlagani ham Dibalaning tanloviga ta’sir qilishi aniq. Chunki bu hujumchi o‘tgan yili yozda bir necha yaxshi takliflar borligini qaramay, aynan Mourinoning chorlovi bilan “bo‘rilar” safiga qo‘shilgan edi.
Calciomercato nashrining ta’kidlashicha, rimliklar angliyalik hujumchi Temmi Abraxamdan qutilish harakatiga tushib qolgan. Debyut mavsumida to‘purarlik salohiyatini ko‘rsatgan 25 yoshli forvard bu yilgi chempionatda “o‘tirib” qoldi. Abraxam mavsum boshlanganidan beri 38 marotaba maydonga tushib, atigi yettita gol urdi. Mourino Temmiga avvalgidek ishonch bildirmayapti va uni sotib yuborilishiga qarshi emas.
Rim klubi Abraxam bo‘yicha bir rejani amalga oshirmoqchi. Unga ko‘ra, Temmi yangi hujumchi qidirayotgan “Chelsi”ga qaytarib yuboriladi. Londonliklarda o‘z tarbiyalanuvchisini 80 million yevroga qayta sotib olish huquqi bor. Hozir Abraxamning narxi bu summaga tortmaydi.
Manbalarning yozishicha, rimliklar Abraxamni ortga qaytarib, “Chelsi”ga kerak bo‘lmay qolgan boshqa yulduz – Romelu Lukakuni o‘z safiga qo‘shib olmoqchi.
Belgiyalik forvard uchun “Chelsi” 2021 yilda 115 million yevro sarflagan edi. Rekord darajada qimmat transferga aylangan Lukaku “Chelsi”da yana o‘zini ko‘rsata olmadi va ijara asosida kelgan joyi – “Inter”ga qaytarib yuborildi.
Joriy mavsumda “Inter” safida Romeluning ishlari kutilgan darajada yurishgani yo‘q. Milanliklar qimmatbaho o‘yinchini to‘liq transfer qilish fikridan qaytdi. Mavsum yakunlanishi bilan Lukaku “Inter” va “Chelsi”ga kerak bo‘lmagan futbolchiga aylanadi va o‘ziga yangi jamoa topishi kerak.
Transfer mutaxassislari “Roma” va “Chelsi” rahbariyati Abraxam va Lukaku rokirovkasi orqali hujum chizig‘idagi muammolarni bartaraf etishi mumkinligini ta’kidlamoqda.
Biz uchun qiziq tomoni, mavsum yakunlanishi bilan Eldor Shomurodov ijara muddatini tugatib, “Spetsiya”dan Rimga qaytadi.
Agar kutilayotganidek, Paulo Dibala va Temmi Abraxam “Roma”ni tark etadigan bo‘lsa, klub rahbariyati Eldor Shomurodovni yana tarkibga qaytarish ehtimoli oshadi.
Demak, transfer mutaxassislarining sxemalari amalga oshadigan bo‘lsa, Eldor Shomurodov jahon futbolining yana bir yulduzi Romelu Lukaku bilan raqobatlashish va yonma-yon o‘ynash imkoniyatiga ega bo‘lishni kutishimiz mumkin...
“Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Bayden va Jinping Peruda uchrashdi: «Agar bir-birimizni raqib deb bilsak, munosabatlarni buzamiz»
Endi operatsiyadan so‘ng kesmalar o‘rni ikki barobar tezroq bitishi mumkin
Global ochlik va qashshoqlikka qarshi kurash alyansiga 82 mamlakat a’zo bo‘ldi
Tyumen oblastiga O‘zbekistondan mehnat migrantlari ishga jalb qilinadi
KXDR Rossiyaga 100 minggacha harbiy yuborishi mumkin
Turkiya Isroil prezidenti samolyotini havo hududiga kiritmadi
Organizm o‘zini toksinlardan qanday tozalaydi?
Ijtimoiy tarmoqlar davrida ruhiy salomatlikni qanday saqlash mumkin?
