UEFA prezidenti muqobilsiz asosda tanlanishi mumkin

Ispaniyalik Anxel Mariya Vilyar Evropa futboli rahbari lavozimiga asosiy da’vogar hisoblanmoqda.

UEFAning yangi prezidenti 14 sentyabrda tashkilotning Afinadagi navbatdan tashqari kongressida saylanadi. 20 iyulgacha fransuz Mishel Platini o‘rindoshlari saylovda ishtirok etish uchun ariza topshirishlari kerak. Biroq "Izvestiya" axborotiga ko‘ra, Evropa futbolining yangi rahbari saylovlari muqobilsiz asosda o‘tkazilishi mumkin. Bu haqda "Kun" nashri ma’lum qildi.

"Milandagi Chempionlar Ligasi finalidan bir kun avval Evropa va jahon futbolining amaldagi bosh shaxslari uchrashdilar. Norasmiy yig‘ilishda ko‘plab milliy federasiyalar rahbarlari, UEFAning hozirgi rahbarlari va FIFA prezidenti Janni Infantino ishtirok etdilar. Uchrashuv natijalariga ko‘ra, UEFA prezidenti saylovlariga yagona nomzod qo‘yilishi fikri bildirildi. Yig‘ilganlarning fikricha, bu Evropa futbolida parokandalik yo‘qligi va tashkilot Platinining shov-shuvli chetlatilishidan keyin yuzaga kelgan vaziyatni ajoyib tarzda eplay olganini ko‘rsatadi. Bu nomzod Ispaniya futbol federasiyasi prezidenti hozirda UEFA prezidenti majburiyatlarini bajarayotgan Anxel Mariya Vilyar bo‘ladi.

Muqobilsiz saylovlarga Niderlandiya qirollik futbol ittifoqi rahbari Mixael van Prag xalaqit qilishi mumkin. Gollandiyalik mutaxassis yagona nomzod g‘oyasini qo‘llab-quvvatlamayapti va o‘z nomzodiga ariza topshirishi mumkin. Amsterdamning "Ayaks" klubining sobiq rahbari benuqson nomga ega. Biroq vaziyatning bunday tus olishi dargumon", deb aytmoqda manba. “Zamin”ni Telegramʻda oʻqing!