SHuhrat Toshpo'latov: "Lima jamoaga ko'proq foyda keltirayotgani tufayli asosiy tarkibda o'ynayapti"

Superliganing 7-turida "Olimpik" ustidan qozonilgan yirik g'alaba (3:0)dan so'ng "Nasaf" katta murabbiyi SHuhrat Toshpo'latov matbuot anjumanida ishtirok etdi.

SHuhrat Toshpo'latov: "Bugungi ishonchli g'alaba bilan muxlislarni tabriklayman. "Olimpik" yaxshi taassurot qoldirdi. Yoshlar kombinacion futbol namoyish etishini bilardik. To'p nazorati ko'proq raqibda bo'ldi, shunga qaramasdan "Nasaf" futbolchilari tartibli o'yin namoyish etib, g'alabaga erishishdi.

- "Nasaf"da hujumchilarning roli ko'rinmayapti, faqat himoyachilar bosh rolda... Amanov nega asosiy tarkib futbolchisiga aylana olmayapti?

- CHempionat endigina boshlandi. SHoshmagan maqul. Hammasi o'z joyiga tushadi. Aziz Amanov hali gollari bilan muxlislarni xursand qiladi deb umid qilaman.

- "Nasaf" yaxshi o'yin ko'rsatayotgani uchun Aziz Amanov kech (85-daqiqada) maydonga tushirildimi?

- Hali barcha futbolchilarga imkoniyat beriladi. Ayni damda Lima yaxshiroq harakat qilib, jamoaga ko'proq foyda keltirmoqda. SHu sababli u asosiy tarkibda.

- Bugun "Nasaf"ning barcha gollari himoyachilar tomonidan urildi...

- Biz standart vaziyatlar ustida ko'p ishlaganmiz va bugun mashg'ulotlar o'z samarasini berdi.

- "Bunyodkor" bilan o'yinda Javohir Siddiqov maydonga tushmadi.

- Futbolchimizda kichik jarohat bor edi, shu sababli tavakkal qilmadik.

“Zamin” yangiliklarini “Instagram”da kuzatib boring