Coca Cola Superliga 9-turidan o‘rin olgan bahsda Namanganning "Navbahor" jamoasi Qarshida “Nasaf” klubiga qarshi o‘tkazadi. Mazkur klublar shu kungacha milliy chempionatlarimiz tarixida o‘zaro 52 marta ro‘baro‘ kelishgan.
Ushbu o‘yinlarning 22 tasida “ajdarlar”ning qo‘li baland kelgan bo‘lsa, 14 ta uchrashuvda “lochinlar” g‘alaba qozonishgan, 16 ta bahsda esa jamoalar murosa ko‘chasini tanlashgan. To‘plar nisbati – 79-67, “Nasaf” foydasiga.
O‘zaro uchrashuvlarda “Nasaf” 82 ochkoni, “Navbahor” esa 58 ochkoni qo‘lga kiritgan.
Ushbu klublar o‘rtasidagi o‘yinlardagi eng yirik - 6:0 hisobi Namangan va Qarshida qayd etilgan.
“Nasaf” hamda “Navbahor” jamoalari bungacha Qarshida 26 marta kuch sinashishgan. Mazkur bahslarning 18 tasida qarshiliklar zafar quchishgan bo‘lsa, 3 ta uchrashuvda durang qayd etilgan, 5 ta o‘yinda esa namanganliklar g‘alaba qozonishgan.
Qarshida o‘tkazilgan o‘zaro uchrashuvlarda “ajdarlar” “Navbahor” darvozasini 54 marta ishg‘ol etishgan bo‘lsa, “lochinlar” “Nasaf” darvozasiga 24 ta to‘p kiritishgan.
Ta’kidlash joizki, “Navbahor” so‘nggi 5 yildan buyon Qarshidan ochko bilan qaytmoqda. 2018 yili va 2020 yillarda “lochinlar” durangga erishgan bo‘lishsa (1:1, 2:2), 2019, 2021 va o‘tgan mavsumda Qarshidan 1:0 hisobidagi g‘alaba bilan qaytgandi.
Eslatib o‘tamiz, “Nasaf” – “Navbahor” uchrashuvi 7 may kuni Qarshidagi “Markaziy” o‘yingohida soat 19:00 da boshlanadi.
Manba: “Navbahor” PFK matbuot xizmati.
“Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
OAV: Markaziy Osiyo davlatlari dronlar bilan qurollanmoqda
Prezident Mirziyoyev Moskva paradidagi ishtirokidan so‘ng Toshkentga qaytdi
O‘zbekistonda Vengriya va Yevropa kompaniyalari uchun maxsus iqtisodiy zona ishga tushiriladi
Putin taktik yadro quroli bilan mashg‘ulot o‘tkazishni buyurdi. Bu nimani anglatadi?
Maryam Tillayeva kelajagini O‘zbekistonda ko‘rmasligi haqida so‘zlab berdi
Turk dunyosining umumiy alifbosi 2026 yilgacha shakllanishi mumkin
Fayzullayev Olimpiadada ishtirok etishi borasidagi savolga nima deb javob berdi?
BMT Isroilni xalqaro huquqning barcha normalarini buzganlikda aybladi
