Yurtimizda o‘tayotgan "CAFA Nation's Cup" xalqaro musobaqasining final qismiga ham yetib keldik. Kutilganidek, unga O‘zbekiston bilan Eron terma jamoalari yo‘l oldilar.
Vakillarimiz guruhdagi oxirgi uchrashuvda Tojikistonni 5:1 hisobida tor-mor keltirdilar. Zaxiradan maydonga tushganlar orasida “Navbahor” a’zosi Oston O‘runov ham o‘zini ko‘rsatdi va raqib darvozasini ishg‘ol qildi. Uchrashuvdan keyin O‘runov Sports.uz saytiga intervyu berdi.
- Oston, avvalo yirik natijadagi g‘alaba bilan muborakbod etaman. 5:1 hisobidagi g‘alabadan keyin nimalarni ayta olasiz?
- Avvalambor butun o‘zbek xalqini g‘alaba bilan tabriklayman. Stadionga kelib bizni qo‘llab-quvvatlab turgan muxlislarimizga rahmat. Uchrashuvga keladigan bo‘lsak, biz bu o‘yinni yutishimiz kerak edi va biz buni uddaladik.
- Birinchi bo‘limdagi 0:1 hisobidan keyin ikkinchi bo‘limda 5 ta gol urilganini hisobga olsak, buning asosiy sababi nimada? Tanaffusda jiddiy gaplar aytilganimi yo to‘g‘ri o‘zgarishlarni amalga oshirilganimi?
- Menimcha, zaxiradan maydonga tushganlar o‘yinni kuchaytirib berishdi.
- Terma jamoamiz endi finalda Eron bilan bellashadi va kutilgan jamoalar hal qiluvchi o‘yinda o‘ynaydilar. Eron bilan shaxsan sizni qanday xotiralar bog‘lab turadi?
- Shaxsan men Eronga qarshi o‘ynamaganman.
- Umuman olganda, Eron termasi haqida fikringiz qanday va finalda qanaqa hisobni kutyapsiz?
- Eron Osiyodagi kuchli jamoalardan biri. Bitta narsani bilaman: o‘yinga g‘alaba uchun tushamiz. Oldingi intervyularimda ham aytganman: hozirga kelib O‘zbekiston terma jamoasida eng kerakli narsa o‘ziga ishonch bor, har birimizda. Qanaqa jamoa bo‘lishidan qat’iy nazar maydonga faqat g‘alabani ko‘zlab tushamiz.
- Bosh murabbiy Srechko Katanes sog‘ligi bilan bog‘liq muammo tufayli terma jamoa bilan birga emas. Uning yo‘qligi jamoamizga qanchalik bilinyapti yoki yordamchilari o‘rnini sezdirishmayaptimi?
- Katanes milliy terma jamoada tizimni joyiga qo‘yib bo‘lgan. Har bir futbolchiga qayerda nima qilishni tushuntirgan. Albatta, bosh murabbiyning yo‘qligi seziladi. Lekin yordamchilari ham o‘z ishini yaxshi biladi.
- “Navbahor”da juda xavfli va juda kuchli reydlaringizni ko‘rishga odatlanib qolganimiz uchun terma jamoada ham muxlislar sizdan shunday reydlar kutishyapti. Umuman, termadagi rolingiz qanday?
- Murabbiylar ham mendan shu narsani talab qilishadi. Reydlarimni Eron bilan o‘yinga olib qo‘yganman (kuladi).
- Oxirgi savol: ilk bor milliy terma jamoalar ishtirokida uyushtirilgan CAFA musobaqasi haqida fikringiz qanday va bu jamoamizga nima beradi, deb o‘ylaysiz?
- Juda kerakli turnir. Jamoalarga o‘yin amaliyotini beradi.
Shuhratbek Jo‘rayev.
“Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
O‘zi choy damlaydi va suhbatlashadi: dunyodagi birinchi “aqlli” choynak taqdim etildi (video)
Dunyoning mashhur ayollari kunni qanday boshlaydi?
Omega-3 qanday qilib ozishga yordam beradi?
Turkiya Isroil prezidenti samolyotini havo hududiga kiritmadi
Shimoliy Koreya Rossiyaga uzoqqa zarba beruvchi qurollar yubordi
Kim Chen In harbiylarni jangovar holatda turishga chaqirdi
Rashida Tolib Kongress a’zolariga «achchiq haqiqat»ning suratini ko‘rsatdi
Eron AQSHdan 1 trln dollar kompensatsiya talab qildi
