310
Vlado Radmanovich: "Ishontirib aytamanki, Eronga qarshi yana o‘ynasak, mutlaqo boshqacha o‘yin guvohiga aylanasiz"
"CAFA NATIONS CUP" turniri finalida Erondan uchralgan mag‘lubiyatdan so‘ng O‘zbekiston termasi yordamchi murabbiyi Vlado Radmanovich matbuot anjumanida qatnashdi.
O‘yin haqida
- Uchrashuv biz kutgandek qiyin bo‘ldi. Charchoq alomatlari sezildi. Ko‘proq o‘yin o‘tgazganimiz uchun vaziyatlarni golga aylantirishda oqsadik. Eronga qarshi yana to‘qnash kelsak, boshqacha o‘yin bo‘ladi.
- Turnir davomida keyingi musobaqalar uchun asosiy tarkibni shakllantirib oldingizlarmi?
- Guvohi bo‘lganingizdek, ba’zi o‘yinchilarning yetishmasligi sezildi. Ashurmatov va Aliqulovlar yo‘qligi sababli Nasrullayev va Abdullayevni o‘ynatishga majbur bo‘ldik.
- JCH saralashida ikkinchi savatchadan o‘rin olamiz. Bu qanday ta’sir o‘tkazadi?
- Albatta, birinchi savatchadan o‘rin olganimizda bizga yaxshiroq bo‘lardi. Bilasiz, Eron kuchsiz jamoa emas. Ishontirib aytamanki, Eronga qarshi yana o‘ynasak, mutlaqo boshqacha o‘yin guvohiga aylanasiz.
- Nega Fayzullayev jismoniy jihatdan boshqalarga qaraganda kuchsizroq bo‘lgani bilan maydonga tushirildi?
- Bunday natija bo‘lib turganda, tavakkal qilishga majbur bo‘lasiz. Guvohi bo‘lganingizdek, markaziy himoyachilar o‘rniga hujumkor o‘yinchilarni maydonga tushirdik.
- Milliy terma jamoa o‘yinida boshqa qit’aning kuchli jamoalariga qaraganda Osiyo grandlari bilan o‘ynagan yaxshiroq emasmi?
- Fikringizga qo‘shilaman. Lekin bu savolni tashkilotchilarga bergan ma’qulroq. Biz AQSHga qarshi o‘rtoqlik o‘yinini rejalashtiryapmiz. Umuman olganda, kuchli raqiblarga qarshi maydonga tushish biz uchun muhim.
- Katanes kelgach, uchta himoyachi bilan o‘ynashga o‘tdik. Bu keyinchalik ham bizning asosiy taktik sxemamizdan o‘rin oladimi?
- Futbolda har xil sxemalar mavjud. 3-5-2 taktikasini tahlil qilishga ham ko‘p vaqt ketadi.
“Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Kuniga nechta olma yeyish mumkin? Ommabop mevaning zararli xususiyatlari
O‘zbekiston Turkmaniston va Turkiya bilan mudofaa sohasida hamkorlik qiladi
Hindiston BMTni isloh qilishga chaqirdi
Dunyodagi eng baxtli shaharlar reytingi e’lon qilindi
Tramp Eron tomonidan o‘lim tahdidi haqida ogohlantirildi
Oyatulloh Xomanaiy: “Yo‘qotishlarga qaramay, “Hizbulloh” kuchli bo‘lib qoladi”
Shvetsiya Eronni Qur’on yoqib yuborilgani uchun qasos olganlikda ayblamoqda
Tramp Zelenskiyning AQSHga tashrifi chog‘ida u bilan uchrashishdan bosh tortdi
