Yozgi transferlar oynasida asosan futbolchilarni Saudiya Arabistoniga yo‘l olganiga guvoh bo‘lyapmiz, lekin Yevropa klublari ham bozorda harakatni ancha kuchaytirib olgan. Ayniqsa, "Arsenal" va "Chelsi" ko‘plab transferlar ustida ishlamoqda. Shuningek, APLning yana bir qator jamoalari ham jim qarab turgani yo‘q. Siz esa quyida tez orada e’lon qilinishi kutilayotgan transferlar haqida bilib olishingiz mumkin.
Sandro Tonali
"Milan" yarim himoyachisi kutilmaganda "Nyukasl"ga o‘tishga qaror qildi. Uning ko‘p yillar Milanda qolishi va kelajakda jamoaning liderlaridan bo‘lishiga ishonilgan, biroq futbolchi Premer-ligada faoliyatini davom ettirishga rozi bo‘ldi. Bizga voqea mana shunday ko‘rinishi mumkin. Ammo "Re Publica" nashriga ishonadigan bo‘lsak, u qolishni afzal ko‘rgan, lekin klub rahbariyati katta summa ishlab olishini bilganidan keyin futbolchi bilan o‘zara suhbatda barcha haqiqatlar aytilgan va Tonali yig‘lab yuborgan. Sandro bo‘yicha tomonlar kelishib oldi. Transfer "qarg‘alar"ga 70 million yevroga tushadigan bo‘ldi. Bu hafta yarim himoyachining tashrifi rasman e’lon qilinmaydi. Sababi, shartnomada hali chala joylari bor. Tonali "Nyukasl" bilan 2029 yilgacha amal qiladigan bitimga imzo chekkan. 23 yoshli italyanni olib kelish orqali ingliz klubi yarim himoyasini ancha kuchaytirib olmoqda.
Mateo Kovachich
"Chelsi"ni tark etayotgan soni borgan sari oshib bormoqda. Ziyesh, Kulibali, Obameyang, Xavers, Maunt va Aspilikueta bu yozda boshqa klubga o‘tishi deyarli aniq bo‘lib ulgurgan. Ular orasida Kovachich ham bor. Xorvatiyalik yarim himoyachi uchun shaharliklar" "Chelsi"ga 30 million funt to‘ladi. Futbolchining o‘zi bilan allaqachon shaxsiy kelishuv amalga oshgan. U faqatgina tibbiy ko‘rikdan o‘tishi qoldi. Shundan keyin bu transfer rasman e’lon qilinadi. Ta’kidlash joiz, Kovachich Gyundogan o‘rniga kelmayapti. Mateo uchun harakat oldinroq boshlangan. "Manchester Siti" Ilkay hali so‘nggi qarorini qabul qilmasidan avval uni olib kelishni reja qilgandi.
Ilkay Gyundogan
Germaniyalik futbolchining keyingi manzili "Barselona" bo‘ladi. Uning oldida bir qancha variantlar bor edi: "Manchester Siti"da qolish, PSJga o‘tish va Saudiya Arabistoniga yo‘l olish. U Ispaniyaga ko‘chib o‘tishni tanladi. Boshqa klublardan kelgan takliflar Kataloniya jamoasinikidan ancha yaxshiroq bo‘lgan. Ammo 32 yoshli nemis "Barsa"ni tanladi. Bu qarorni qabul qilishga Levandovski maslahat bergani haqida Polsha nashrlari xabar berdi.
Bundan tashqari, Ter Shtegen ham Gyundoganni "Barsa"ga kelishiga harakat qilgan. Xavi bu transferni amalga oshishini juda ham xohladi. Murabbiy Ilkay bilan o‘zaro suhbatlashib, unga kelajakdagi rejalari haqida gapirib bergan. Xullas, Gyundogan keyingi haftada erkin agent sifatida "Barselona"ga o‘tadi.
Kay Xavers
Xaversning "Arsenal"ga o‘tish ehtimoli juda baland. Futbolchi Artetaning asosiy futbolchilaridan biri bo‘lishi mumkin. Sababi, ispaniyalik mutaxassis uni o‘zining eng yuqori darajasiga qaytarishiga ishonmoqda. "Kanonirlar" mazkur transferga 65 million funt to‘ladi. Ulardan boshqa hech qaysi jamoa Kay uchun buncha sarflashni istamagandi. Bundan ko‘rinadiki, Arteta so‘nggi ikki yilda "Chelsi"dagi faoliyati orqali maqtana olmaydigan yarim himoyachini sotib olishdan qo‘rqmadi, ya’ni uni uslubiga tushishiga ishondi.
Endi buni amalda ko‘rsatishi kerak bo‘ladi. Xavers "Arsenal"da 29-raqamni oladi. U endilikda eski pozitsiyasi bo‘lmish hujumkor yarim himoya zonasida o‘ynaydi. Yakuniga yetgan mavsumda germaniyalik futbolchi "aristokratlar"da hujumchi yetishmasligi tufayli, strayker vazifasini o‘tayotgandi. Xaversning transferini e’lon qilish ham keyingi haftaga qolgan. U katta ehtimol bilan dushanba kuni tanishtiriladi.
Nikolas Jekson
"Chelsi" ketganlarning o‘rnini to‘ldirish uchun harakatni boshladi. Pochettino xohlayotgan futbolchilarni olib kelish ishlari hozircha yomon ketmayapti. Klub "Vilyarreal"dan Nikolas Jeksonni sotib olmoqda. Hujumchining tashrifi bir qator yosh forvardlarning ijara asosida boshqa jamoaga o‘tishini anglatishi mumkin. Datro Fofana va Armando Broxaga bir nechta klublardan qiziqishlar borligi haqida mish-mishlar tarqalyapti. Jekson "sariq suvosti kemasi"dan 35 million funt evaziga Londonga kelmoqda. Hujumchi shu hafta oxirida tibbiy ko‘rikdan o‘tadi va transfer rasmiy holda ma’lum qilinadi. 22 yoshli futbolchi qishda "Bornmut"ga o‘tishga juda yaqin kelib, endi faoliyatini "Chelsi"da davom ettiradi.
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xitoy qit’alararo ballistik raketani ilk bor ommaviy sinovdan o‘tkazdi
Oyatulloh Xomanaiy: “Yo‘qotishlarga qaramay, “Hizbulloh” kuchli bo‘lib qoladi”
Shvetsiya Eronni Qur’on yoqib yuborilgani uchun qasos olganlikda ayblamoqda
Hindiston BMTni isloh qilishga chaqirdi
Diyetolog qanday qilib non iste’mol qilmasdan qisqa vaqtda ozish mumkinligini aytdi
Tramp Zelenskiyning AQSHga tashrifi chog‘ida u bilan uchrashishdan bosh tortdi
Tramp: Rossiya Gitler va Napoleonni mag‘lub etgan, Moskva mag‘lubiyatini kutishning hojati yo‘q
Kuniga nechta olma yeyish mumkin? Ommabop mevaning zararli xususiyatlari
