Hangjou-2022: O‘zbekistonning ikki raqibi Osiyo O‘yinlariga kelmaydigan bo‘ldi

^{Foto: O‘zbekiston olimpiya jamoasi}
Osiyo O‘yinlarining futbol bahslari boshlanishi arafasida ikki mamlakat olimpiya jamoasi Xitoyga kelmasligi sababli turnir taqvimida o‘zgarish kuzatildi.

MOQ xabariga ko‘ra, musobaqaning futbol dasturida «S» guruhidan o‘rin olgan Temur Kapadze boshchiligidagi O‘zbekiston olimpiya jamoasining taqvimida o‘zgarish kuzatildi. Dastlabki qur’a natijasiga ko‘ra, ushbu kvartetdan O‘zbekiston, Afg‘oniston, Suriya va Hongkong olimpiya jamoalari o‘rin olgan edi. Ammo guruh bahslari boshlanishiga 2 kun qolganida Suriya va Afg‘oniston futbol jamoalari XIX Osiyo O‘yinlarida ishtirok eta olmasligini ma’lum qilgan.

Vaziyatdan chiqish maqsadida O‘yinlar tashkiliy qo‘mitasi bu holat bo‘yicha Osiyo Futbol Konfederatsiyasiga murojaat qildi va yakunda guruhda qolgan 2 jamoa ishtirokni davom ettirishi ma’lum qilingan.

Shu tariqa, endi O‘zbekiston va Hongkong jamoalari o‘zaro ikki uchrashuvda kuch sinashgan holda guruh g‘olibini aniqlab olishadi. Yangi taqvim bo‘yicha o‘yinlar 22 va 25 sentyabr sanalariga belgilandi.

Ma’lumot uchun, O‘zbekiston olimpiya jamoasi kuni kecha Hangjou shahriga yetib borib, tayyorgarlikni boshlab yuborgan.

Шухрат Раззаков

«ZAMIN.UZ» muharriri

Mavzuga oid yangiliklar

Arrigo Sakki: «Anchelottini tanqid qilishdan oldin, u kim ekanligini eslashingiz kerak!»

Bugun, 14:45

«Roma» mag‘lubiyatsizlik seriyasini 17 o‘yinga yetkazib, rekordga yaqinlashmoqda!

Bugun, 14:16

Klaudio Raneri «Roma»ning «Verona» ustidan g‘alabasini qanday baholadi?

Bugun, 12:55

Anvar Berdiyev: "O‘yin bitta golgacha bo‘ldi, uni esa "Mash’al" urdi"

Bugun, 12:44

Asror Aliqulov: "Raqibda 65-70 daqiqalardan so‘ng bo‘shliqlar paydo bo‘lishini kutgandik"

Bugun, 12:38

“Real”ning asosiy himoyachisi og‘riqlar bilan o‘ynamoqda, jamoa ishongan “tog‘i”ni yo‘qotishi mumkin

Bugun, 11:57