Foto: Hasan Bratic/Hasan Bratic/Global Look Press
Red Bull jamoasining niderlandiyalik poygachisi Maks Ferstappen ketma-ket uchinchi bor Formula-1 bo‘yicha jahon chempioni bo‘ldi.
U Qatar Gran-pri poygasi doirasida jamoadoshi, meksikalik Serxio Peres avariyaga uchrab, poygani tark etganidan so‘ng, 2023 yil mavsumida muddatidan oldin chempionlikni qo‘lga kiritdi. Ferstappen poygani ikkinchi o‘rinda yakunladi, “Maklaren” poygachisi Oskar Piastri birinchi bo‘ldi.
Peres Ferstappendan tashqari chempionlikka daʼvogar bo‘lgan yagona poygachi edi. Avariyadan so‘ng u jamoadoshiga yetib olish imkonini yo‘qotdi.
26 yoshli Ferstappen 2021 va 2022 yillarda ham Formula-1 poygalarida g‘olib chiqqan. Niderlandiyalik poygachi bu ko‘rsatkich bo‘yicha Jek Brebem, Jeki Styuart, Niki Lauda, Nelson Pike va Ayrton Senna bilan tenglashib oldi.
Endi Maksni 5 poygachi ortda qoldirmoqda: Mixael Shumaxer, Lyuis Hemilton (7 karra chempion), Xuan-Manuel Fanxio (5), Alen Prost va Sebastyan Fettel (4).
Ferstappendan oldin 4 nafar poygachi qatorasiga u ch bor chempion bo‘lgan: Shumaxer (2000-2004 yillar), Fanxio (1954-1957), Fettel (2010-2013) va Hemilton (2017-2020).
Qatar Gran-Prisidan keyin eng yaxshi 10 nafar poygachi reytingi:
1. Maks Ferstappen («Red Bull») – 407 ochko
2. Serxio Peres («Red Bull») – 223
3. Lyuis Hemilton (“Mersedes”) – 194
4. Fernando Alonso («Aston Martin») – 174
5. Karlos Sayns (“Ferrari”) – 153
6. Sharl Lekler (“Ferrari”) – 137
7. Lando Norris (“Maklaren”) – 121
8. Jorj Rassell (“Mersedes”) – 120
9. Oskar Piastri (“Maklaren”) – 65
10. Lens Stroll («Aston Martin») – 47
2023 yil yakuniga qadar yana 5 ta poyga o‘tkaziladi.
“Zamin” yangiliklarini “Instagram”da kuzatib boring
