Abbos Fayzullayev SSKA mashg‘ulotiga 30 kg osh olib bordi

SSKA futbolchisi Ivan Oblyakov jamoadoshi Abbosbek Fayzullayev jamoa mashg‘ulotiga 30 kg osh olib kelganini aytdi.

"Yaqinda qiziqarli holat bo‘ldi. Mashg‘ulot qilayotganimizda u qayerdandir osh buyurtma qildi. Katta qozonda osh olib kelishdi. Tushligimiz juda mazali bo‘ldi", - dedi Oblyakov.

20 yoshli Fayzullayev 2023 yil yozida "Paxtakor"dan SSKAga o‘tgandi. U ushbu mavsumda 15 o‘yinda 3 gol va 2 assist qayd etdi.