Yozda o‘z klubini almashtirgan futbolchilar ramziy termasi

Zamin.uz blogi bu yil yozda o‘z klubini almashtirgan futbolchilar ramziy termasi bilan tanishtiradi.



Qaerdan: Arsenal.
Qaerga: Roma.
Kelishuv: 16 mln. evroga sotib olish huquqi bilan ijaraga berilgan.
O‘tgan mavsumda “kanonirlar” ning asosiy darvozaboni o‘zining xatolari evaziga darvozani David Ospinaga bo‘shatib berishga majbur bo‘lgan edi, Petr Chexning “Arsenal” ga kelishi bilan esa Voysex o‘tgan yozda “Roma” klubiga ijara asosida o‘ynash uchun o‘tib ketdi. U “Rimliklar” ning asosiy darvozaboniga aylandi va Spalettini o‘ziga nisbatan ishontirdi. Natijada Londonda zahira o‘rindig‘ida o‘tirgandan ko‘ra Rimga qaytishga qaror qildi.


Qaerdan: Barselona.
Qaerga: Yuventus.
Kelishuv: erkin agent.
“Barselona” bilan klublar miqyosidagi barcha musobaqalarda g‘olib chiqqan Alves o‘z karerasida yangi o‘zgarish qilishga qaror qildi. Dani Alvesning Turinga kelishining asosiy sababi bo‘lgan o‘z kolleksiyalari sonini oshirishni “Yuventus”da birinchi mavsumdayoq uddalashi mumkin.


Qaerdan: Borussiya D.
Qaerga: Bavariya.
Kelishuv: 38 mln. evroga transfer qilingan.
“Borussiya” Dortmund sardori Mats Xummels o‘zi tarbiyalangan klubga qaytdi, uning Chempionlar ligasini yutish orzusi balki “Bavariya” da tezroq amalga oshishi mumkin. Shuningdek butun oilasi uning “Bavariya” ga o‘tishini faol qullab quvvatlashdi.


Qaerdan: Lion.
Qaerga: Barselona.
Kelishuv: 25 mln. evroga transfer qilingan.
“Barselona” yosh va kelajagi porloq fransiyalik himoyachi bilan mo‘may mablag‘ to‘lab shartnoma imzoladi. Umtiti qariyotgan Maskerano va Matyolarni o‘rniga munosib o‘rindosh bo‘la oladi, uning “Barselona” ga o‘tishi Evro-2016 finalchisi uchun oldinga qadam tashlash hisoblanadi.


Qaerdan: PSJ.
Qaerga: Barselona.
Kelishuv: 16,5 mln. evroga transfer qilingan.
Lukas butun mavsum davomida “Roma” da o‘ynash istagini bildirib keldi (ijara asosida o‘ynadi), lekin “rimliklar” uning transferini sotib olishga shoshilmadi va u kutilmaganda “Barselona” ga o‘tdi. Adriano ketgandan keyin, Lukasga “Barselona” tarkibidan muqim joy egallashi uchun Alba bilan kurashishiga to‘g‘ri keladi. Bu Lukas uchun anchagina murakkab vazifa hisoblanadi.


Qaerdan: Borussiya M.
Qaerga: Arsenal.
Kelishuv: 45 mln. evroga transfer qilingan.
Nihoyat “Arsenal” tayanch yarim himoyachiga ega bo‘ldi, buning oqibatida Venger hujumkor o‘yinchilarni tayanch yarim himoyachi sifatida (Arteta, Kasorla va boshqalar) eksperiment qilishni to‘xtatdi. Shveysariya terma jamoasi va “Borussiya” M lideri “Arsenal” ning tayanch zonasini va jamoani so‘zsiz kuchaytiradi.


Qaerdan: Benfika.
Qaerga: Bavariya.
Kelishuv: 35 mln. evroga transfer qilingan.
“Bavariya” Sanchesh bilan Evro 2016 gacha shartnoma tuzishga erishdi va bu myunxenliklar menejmentining yutug‘i hisoblanadi. Portugaliyaning yosh talanti terma jamoaning Evro 2016 dagi lideri va ushbu musobaqaning “Eng yaxshi yosh o‘yinchi” si deb tan olindi. Evropa chempionatidan keyin Sancheshning bahosi juda oshib ketdi, “Bavariya” esa o‘z vaqtida “otni qamchilab qolgan” edi.


Qaerdan: Borussiya D.
Qaerga: Manchester Yunayted.
Kelishuv: 42 mln. evroga transfer qilingan.
Oxirgi 2 yildagi Bundesliganing eng yaxshi assistenti, “Borussiya” D ning lideri va motori hujumni kuchaytirish uchun “Manchester Yunayted” ga o‘tdi. Genrixda Angliyada o‘ynashi uchun ko‘pgina ijobiy sifatlari bor edi: hujumni yakunlash, aniq to‘p uzatish, universallik. Shu sababli Mourino unga sarflangan mablag‘ni omadli “investisiya” qildi deyishimiz mumkin.


Qaerdan: Zenit.
Qaerga: Shanxay Telleys.
Kelishuv: transfer summasi 56 mln. evro plyus 2 mln. evro bonus.
“Zenit” lideri oxirgi yilda “pul ishlash” uchun Xitoyga borishga qaror qildi. Bu Rossiya futboli tarixidagi eng qimmat transfer bo‘lib, u Xalkni “Portu” klubidan sotib olish xarajatlarini butunlay qopladi hamda buni “Zenit” menejmentining omadli harakati deyish mumkin.


Qaerdan: Sautgempton.
Qaerga: Liverpul.
Kelishuv: 41,2 mln. evroga transfer qilingan.
Klopp “Liverpul” ni o‘z uslubiga moslash uchun transfer yordamida qayta qurishni boshladi va Kloppning o‘yin uslubiga Mane juda ham to‘g‘ri keladi. Tezkor, jasur, baquvvat va tajovuzkor yarim himoyachi “Liverpul” ning hujumlariga “rang-baranglik” beradi.


Qaerdan: Napoli.
Qaerga: Yuventus.
Kelishuv: 90 mln. evroga transfer qilingan.
Yozgi transferlar ichida eng shov-shuvlisi, Iguainning “Napoli” dan chempionlik uchun kurashdagi asosiy raqobatchisi “Yuventus” ga o‘tishi bo‘ldi. 90 mln. evro Italiya futboli uchun fantastik summa bo‘ldi. Gonsaloning “Yuventus” bilan Chempionlar ligasida g‘olib chiqishga intilishi uni mazkur musobaqaning favoritlaridan biriga aylantiradi. “Zamin”ni Telegramʻda oʻqing!