Finallarda gol urib "Nasaf"ga sovrinlar olib kelgan legioner jamoani tark etdi

“Nasaf” futbol klubi va braziliyalik hujumchi Mateus Lima Kruz bilan tuzilgan hamkorlik o‘z nihoyasiga yetdi. Bu haqda klub matbuot xizmati xabar berdi.

Lima Kruz so‘nggi ikki mavsumda jamoaga sovrinlarni qo‘lga kiritishiga munosib hissasini qo‘shdi. Oxirgi ikki yil O‘zbekiston kubogi finalida gollar urib, qarshiliklar sovrin yutishiga sababchi bo‘lgandi.

Hujumchi bugun klubga kelib, jamoa rahbariyati bilan uchrashdi va barcha bilan xayrlashdi.