128
O‘rtoqlik o‘yini. "Dinamo" Saudiya Arabistonining "Al Shabab" klubi bilan durang qayd etdi
"Dinamo" jamoasi Birlashgan Arab Amirliklari yig‘ini doirasidagi so‘nggi o‘yinni Saudiya Arabistonining "Al Shabab" klubiga qarshi o‘tkazdi.
Ar-Riyod va Samarqand klubi o‘rtasidagi bahsda "Dinamo" bosh murabbiyi Vadim Abramov barcha o‘yinchilari xizmatidan foydalana olgan bo‘lsa, Saudiya klubining nomdor legionerlaridan biri Yannik Ferreyra Karrasko "Dinamo"ga qarshi o‘yinda kichik jarohati sababli maydonga tusha olmadi. U "Al Shabab"ning 4 kun avvalgi "Roma"ga qarshi o‘yinida (1:2, Karrasko – Lukaku, Koshta) gol muallifiga aylangan, ammo jarohat olgandi.
Abu-Dabidagi o‘yinda "Dinamo" 30-daqiqada Pro liga to‘purari Anvarjon Hojimirzayevning yakkama-yakka vaziyatdagi goli evaziga hisobni ochgan bo‘lsa, ko‘p o‘tmay saudiyaliklar Kolumbiya milliy jamoasi a’zosi Gustavo Kuelyarning faolligidan keyin "Al Shabab"ning braziliyalik forvardi Karlos Karvalo Junior chiroyli goli bilan hisobni tenglashtirdi – 1:1.
Ikkinchi bo‘limda ham har ikki jamoa gol urib, g‘alabani ilib ketish uchun shiddatli o‘yin namoyish etdi, ammo O‘zbekiston va Saudiya klubi o‘rtasidagi bahsda kuchlar teng keldi.
Shu tariqa, Vadim Abramov murabbiyligida ko‘hna shahar jamoasi BAA yig‘ini doirasidagi so‘nggi ikki uchrashuvda Saudiyaning ikki klubi "Al Fayha" va "Al Shabab" bilan o‘yinlarda durang qayd etib, yig‘inni yakunladi. "Dinamo" 29 yanvar kuni Samarqandga qaytishi rejalashtirilgan.
O‘rtoqlik o‘yini. 28 yanvar
"Al Shabab" (S.Arabistoni) – "Dinamo" (O‘zbekiston) – 1:1
Gollar: Karlos Junior 32 – Anvarjon Hojimirzayev 30
"Al Shabab": Mussa Kamara, Hussayn, Yago Dos Santos, Nader Al-Sharari, Hamad Al-Ya’mi (Muhammad Harbush, 65), Gustavo Kuelyar (Navaf Al-Saadi, 60), Riyod Sharahili, Majid Kanaba (Muayyad Al-Shuvayfay, 58), Abdulla Al-Jui (Husayn Al-Qahtoni, 46), Hattan Bahbari (Nosir Al-Bishi, 60), Karlos Karvalo Junior.
"Dinamo": Farhod Rahmatov, Ulug‘bek Abdullayev, Artyom Sokol, Xurshidbek Ubaydullayev, Anvarjon Fayzullayev, Vladimir Kozak, Sanjar Shoahmedov, Fransis Narx, Xislat Xalilov, Farrux Ikromov, Anvarjon Hojimirzayev.
Ikkinchi bo‘limda maydonga tushganlar: Ravshanbek Yagudin, Salim Mustafoyev, Dushan Miyich, Komil Sharofutdinov, Vohidjon Oqbo‘tayev, Humoyunmirzo Iminov, Damir Temirov, Javlon Malikov, Husniddin G‘ofurov, Emmanuel Yagr, Bahodir Nasimov. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
100 mln so‘mgacha bo‘lgan kreditlar soddalashtirilgan tartibda ajratiladi
Medvedev Rossiya NATO harbiy bazalariga zarba yo‘llashi mumkinligini istisno qilmadi
Eron Isroil bilan keng ko‘lamli urushga tayyorligini ma’lum qildi
Organizmda qaysi turdagi vitamin yetishmayotganini qanday aniqlash mumkin?
Germaniya razvedkasi rahbari: “Rossiya yaqin yillarda NATOga hujum qilishi mumkin”
Gretsiyada minglab odamlar NATOga qarshi namoyish o‘tkazdi
Endi «Doimiy yashash joyiga ro‘yxatga qo‘yish» qulaylashdi (video)
Erdo‘g‘on: “Turkiya G‘azo mojarosi tugamaguncha Falastinni qo‘llab-quvvatlaydi”
