Yevropa kuboklari har bir futbol muxlisining e’tiborini qozona oladigan musobaqa. O‘zbekistonlik futbol ishqibozlari o‘tgan yilning kuzidan beri Fransiya vitse-chempioni “Lans”ning xalqaro maydondagi o‘yinlarini kuzatib kelmoqda.
Bunga lansliklar o‘tgan yoz Abduqodir Husanovni o‘z tarkibiga qo‘shib olgani sabab. 19 yoshli futbolchimiz Yevropa Chempionlar ligasida ikkita o‘yin o‘tkazdi. Garchi “Lans” qit’aning eng nufuzli musobaqasida pley-offga chiqa olmagan bo‘lsa-da, boshqa turnir – Yevropa Ligasida ishtirok etish uchun kurashmoqda.
O‘tish bosqichida lansliklar Germaniyaning “Frayburg” jamoasiga to‘qnash kelgan. Fransiyadagi ilk uchrashuvda hisob ochilmadi. Javob o‘yini 22 fevral kuni Germaniyada tashkil etiladi.
Hal qiluvchi uchrashuvda “Lans”ning eng kuchli himoyachisi Kevin Danso diskvalifikatsiya sababli jamoasiga yordam bera olmaydi. Frank Xeyz boshchiligidagi murabbiylar shtabi avstriyalik himoyachiga munosib o‘rinbosar topishi kerak.
“Lans” faoliyatini yoritib kelayotgan lensois.com sayti himoya markazini egallashga eng munosib futbolchi kimligini aniqlash maqsadida muxlislar o‘rtasida so‘rovnoma tashkil qildi. Unga ko‘ra, birinchi o‘rin katta ustunlik bilan Abduqodir Husanovga nasib qildi.
Muxlislarning 78,01 foizi o‘zbek himoyachisi “Frayburg” qarshi o‘yinni boshlang‘ich tarkibda, himoya markazida boshlashi kerak, deb hisoblamoqda.
So‘rovnoma natijalari quyidagicha ko‘rinish oldi:
- Abduqodir Husanov: 78,01%
- Fakundo Medina: 7,52%
- Ikkita markaziy himoyachi bilan o‘ynash varinati: 7,23%
- Jonatan Gradit: 3,69%
- Massadio Xaydara: 3,5%%
- Boshqalar: 0%.
“Lans” ishqibozlari Abduqodir Husanovga ishonch bildirayotgani bejiz emas. Legionerimiz Fransiyaning avvalgi turida “Reyms”ga qarshi safar uchrashuvini yuqori saviyada o‘tkazdi. Raqib hujumlarini mahorat bilan bartaraf etgan Husanov jamoasining mag‘lubiyatdan qutilib qolishiga katta hissa qo‘shdi.
O‘sha bellashuvning eng yaxshi o‘yinchisini aniqlash maqsadida tashkil etilgan so‘rovnomada ham Abduqodir Husanov katta ustunlik bilan g‘alaba qozongan edi. Ovoz berganlarning 46,22 foizi hamyurtimizni bellashuvning eng o‘yinchisi, deb topdi.
Abduqodir Husanov yozda “Energetik-BGU”dan “Lans”ga o‘tganida transfermarkt.world ekspertlari tomonidan uning transfer summasi 400 ming yevroga baholangandi. Endi ushbu xalqaro tashkilotning yangi reytingida legionerimizning transfer narxi 2 million yevroga yetdi. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Bosh kiyimsiz yurishning organizmga qanday ta’siri bor?
Slovakiya bosh vaziri Putinning taklifini qabul qildi
Organizmda qaysi turdagi vitamin yetishmayotganini qanday aniqlash mumkin?
Medvedev Rossiya NATO harbiy bazalariga zarba yo‘llashi mumkinligini istisno qilmadi
Erdo‘g‘on: “Turkiya G‘azo mojarosi tugamaguncha Falastinni qo‘llab-quvvatlaydi”
Endi «Doimiy yashash joyiga ro‘yxatga qo‘yish» qulaylashdi (video)
Gretsiyada minglab odamlar NATOga qarshi namoyish o‘tkazdi
O‘zbekistonda onkologik kasallikka chalingan ayollar bepul davolanadi
