Foto: Reuters
Fransiya Rossiyaga Olimpiya o‘yinlari paytida Ukrainaga qarshi o‘t ochishni to‘xtatishni taklif qildi. Rossiya Tashqi ishlar vazirligi esa mazkur taklifga javob qaytardi.
Taklif Fransiya prezidenti Emmanuel Makron tomonidan rossiyalik hamkasbi Vladimir Putinga qaratilgan. Parij 2024-yozgi Olimpiya o‘yinlariga mezbonlik qiladi.
“Mezbon davlatning qoidasi, ta’bir joiz bo‘lsa, Olimpiya harakati bilan hamqadam bo‘lishdir. Biz Olimpiya qo‘mitasi qaroriga ham amal qilamiz. Qo‘mita Rossiya davlat sifatida bu o‘yinlarda ishtirok eta olmaydi, degan qarorga kelgan. Ammo atletchilar oq bayroq ostida faqat sportchi sifatida qatnashishi va musobaqalarda ishtirok etishi mumkin. Albatta, sportchilardan bunday vaziyatda foydalanmasliklari uchun ularning chiqishlarini jamoaviy va diqqat kuzatib boramiz”, — dedi Emmanuel Makron.
U butun dunyo tinchlik va bag‘rikenglik xabarini eshitishini, Ukraina esa o‘z suvereniteti va hududiy yaxlitligini to‘liq tiklashini istashini ta’kidladi. Shu bilan birga, Fransiya rahbari ruslar hozir Rossiyada hukmronlik qilayotgan rejimni qo‘llab-quvvatlamasligini aytdi. Makron Fransiya Rossiyadan Olimpiya o‘yinlari vaqtida o‘t ochishni so‘rashini ta’kidladi.
“Ha, biz buni so‘raymiz”, — dedi u. Fransiya prezidenti aniq taklif va qarorlar bilan Ukrainaga tashrif buyurishini ham aytdi.
Rossiya TIV munosabati
Rossiya tashqi ishlar vazirligi rasmiysi Mariya Zaxarova o‘t ochishni to‘xtatish taklifi o‘rniga Fransiyani Ukrainaga qurol yetkazib berishni to‘xtatishga chaqirdi.
“Men Makronga tinch aholini o‘ldirish uchun ishlatiladigan qurollarni yetkazib berishni to‘xtatish, shuningdek, terrorizmga homiylik qilishni to‘xtatish bo‘yicha javob taklifi bilan chiqmoqdaman”, — dedi u.
Moskva, shuningdek, Fransiya prezidentini Yaqin Sharqdagi mojaro tomonlariga ham xuddi shunday taklif bilan chiqishni taklif qiladi.
“Albatta, ko‘p narsa Fransiyaning so‘zlariga bog‘liq”, — deya qo‘shimcha qildi Mariya Zaxarova. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ispaniya va Gretsiya Kiyevga Patriot tizimlarini yetkazib berishdan bosh tortdi
Ruslar Abrams tanklarining zaif tomonini topishdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Uchar avtomobil yo‘lovchi bilan birinchi parvozini amalga oshirdi (video)
Zoir Mirzayev “Telefonsiz maktab”ga 300 mln so‘m mukofot berdi
Mariya Zaxarova ukrainaliklarni Amerika hindulariga o‘xshatdi
Amerikalik olimlar barcha uchun birdek foydali jismoniy faollik turini aniqladi
