O‘zbek futbolining eng iqtidorli tarbiyalanuvchilari dunyoning bir necha mamlakatlarida to‘p tepib kelyapti. Birinchi navbatda, bor e’tibor kuchli beshlik ligalaridagi Eldor Shomurodov va Abduqodir Husanovga qaratiladi.
Biri Italiyada “Kalyari”, ikkinchisi Fransiyada “Lans” sharafini himoya qilib kelmoqda. Ular qatoriga Angliyaning “Brentford” klubi yoshlar jamoasida o‘ynayotgan va mutaxassislar tomonidan iqtidori alohida e’tirof etilayotgan Muhammadali O‘rinboyevni qo‘shish mumkin.
O‘zbekistonlik futbol ishqibozlari Rossiya Premer-ligasini ham kuzatib kelmoqda. Bu mamlakat chempionatida Abbosbek Fayzullayev, Rustamjon Ashurmatov hamda Umarali Rahmonaliyev ishtirok etmoqda.
Rossiyaning “Match TV” kanali “Rubin” markaziy himoyachisi Rustam Ashurmatov bilan suhbatda Eldor Shomurodovning imkoniyatlari darajasiga baho berishni so‘radi.
— O‘zbekistonda Rossiya Premer-ligasini kuzatishadimi?
— Albatta kuzatishadi. Bu yerda mengacha Eldor Shomurodov va Odil Ahmedov kabi o‘zbek futbolchilari o‘ynagan.
— Shomurodov bilan muloqot qilib turibsizmi?
— Ha, u mening yaqin do‘stim. U bilan milliy terma jamoada birga o‘ynaymiz. Shuningdek, Abbosbek Fayzullayev bilan ham aloqadamiz.
Shomurodov bizga Italiya haqida gapirib beradi. Yaqinda jarohatlangan edi, tiklanib oldi.
Eldor biz uchun o‘rnak, albatta. U Rossiya chempionatidan Yevropaga yo‘l olgan va bizda ham ana shunday imkoniyat bor. Mashg‘ulotlarimizda Shomurodov boshqa darajadagi futbolchi ekani sezilib turadi.
— Yevropada yoqtirgan ligangiz qaysi?
— Hozir bu haqida gapirishga erta. Lekin eng yaxshi ligalarda o‘ynash istagi bor. Hozircha, menga “Rubin” ham ma’qul.
Rustam Ashurmatov professional futbolchilik faoliyati davomida yurtimizda “Bunyodkor”, “Qo‘qon - 1912”, “Navbahor” jamoalari sharafini himoya qilgan. Legioner sifatida Janubiy Koreyaning “Kvandju” va “Kanvon” jamoalarida o‘ynagan.
2023 yilning boshidan beri “Rubin” a’zosi. Rustam O‘zbekiston milliy terma jamoasi safida 2017 yildan beri ishtirok etib keladi. Markaziy himoyachimiz shu kunga qadar 34 ta o‘yinda qatnashib, o‘z hisobiga bitta gol ham yozdirib qo‘ygan.
Eldor Shomurodov esa, mamlakatimizda “Mash’al” va “Bunyodkor” jamoalarida faoliyat yuritganidan keyin 2017 yili Rossiyaning “Rostov”iga yo‘l olgan. 2020 yili A Seriyaga o‘tib, bu mamlakatda “Jenoa”, “Roma”, “Spetsiya”da to‘p tepdi va ayni paytda ijara asosida “Kalyari”da o‘ynayapti.
28 yoshli forvard 2015 yildan beri O‘zbekiston milliy terma jamoasi a’zosi hisoblanadi. Xalqaro miqyosda 70 ta o‘yinda 40 ta to‘p kiritgan va terma jamoa uchun gol urish bo‘yicha rekordchi hisoblanadi. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
Hatto meva mumkin emas: jigar uchun zararli uch odat
Chet el valyutalarining o‘zbek so‘miga nisbatan yangi qiymati belgilandi
AQSH Rossiyani Ukrainaga qarshi kimyoviy qurol qo‘llaganlikda aybladi
Asab tolalarini mustahkamlashda muhim bo‘lgan vitaminlar
Saudiya Arabistoni valiahd shahzodasi Falastin prezidenti bilan uchrashuv o‘tkazdi
Germaniyada rossiyalik shaxs ikki ukrainalik harbiyni pichoqladi
Timur Kapadze tarixiy natija qayd etilganidan so‘ng nimalar dedi?