114
Samvel Babayan: "Har bir o‘yin bizga oldindagi uchrashuvlarga tayyorgarlik vazifasini o‘taydi"
O‘zbekiston kubogining 2-turidan o‘rin olgan "Navbahor" - "Andijon" (2:1) uchrashuvidan so‘ng mezbonlar bosh murabbiyi Samvel Babayan matbuot anjumanida ishtirok etdi.
O‘yin haqida
- Birinchi navbatda "Navbahor" muxlislarini g‘alaba bilan tabriklayman. Qiyin o‘yin bo‘ldi, shunga qaramay natijani o‘z foydamizga hal qila oldik. Uchrashuvdagi har bir vaziyatni sinchiklab kuzatib borgan muxlislar guvoh bo‘lishdi, bugun yigitlar g‘alaba ishtiyoqi bilan yonib o‘ynashdi. Albatta chiroyli o‘yin va jamoaviy xarakter uchun futbolchilarga minnatdorchilik bildiraman. 90 daqiqa davomida xotirjamlikni saqladik, o‘yinni nazorat qilishga intildik.
- "Navbahor" keyingi bosqich masalasini birinchi o‘rin bilan hal qildi. "Dinamo" bilan o‘yinda yoshlar tarkibidan foydalanish maqsadingiz bormi?
- Navbatdagi bosqich masalasini hal qildik, bu to‘g‘ri. Biroq har bir o‘yin biz uchun keyingi uchrashuvlarga tayyorgarlik vazifasini o‘tab beradi. Rotatsiyalar qilamiz, bunda o‘yin amaliyoti kam futbolchilarning imkoniyatlarini chamalab olamiz. Biroq bu degani "Dinamo" bilan o‘yinda asosiy tarkib o‘ynamaydi degani emas. Shu o‘yinda qanday o‘ynasak, navbatda boshlanadigan Superliga uchrashuvlariga uslubni tanlab olamiz. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Iroq qarshilik kuchlari Isroil poytaxtiga havo hujumi uyushtirdi
Prezident AQSH, Xitoy va Yevropaning yetakchi kompaniyalari rahbarlarini qabul qildi
Ukrainada OIV va saraton kasalligiga chalingan bemorlar armiyaga chaqiriladi
Saul Alvares: "U o‘z jangchisiga tupurib qo‘ygan!"
Toshkentda MDH ko‘ngillilari forumi boshlandi
Osiyo kubogi final uchrashuvi: Bugun “oq bo‘rilar” yapon “samuraylari”ga qarshi maydonga tushadi
Kutilmagan natijalarga boy Dushanbe “Katta Dubulg‘a” turniri yakuniga yetdi
Timur Kapadze Yaponiyaga qarshi kechgan finaldan so‘ng nimalar dedi?
