Bir kunda 2 ta iste’fo. Klaudio Raneri “Kalyari”ni, Maurisio Pochettino “Chelsi”ni tark etadi

Argentinalik murabbiy Maurisio Pochettino londonliklar murabbiylik postini rasman tark etdi. Pochettino 20 va 21 may kunlari klub rahbariyati bilan uchrashib, o‘zaro kelishuvga ko‘ra, iste’foga chiqadigan bo‘ldi.

Klub allaqachon yangi murabbiylarni izlashni boshlagan.

Maurisio 2023 yil yozidan buyon jamoani boshqarib kelayotgan edi. Murabbiy qo‘l ostida “aristokratlar” mavsumni 6-o‘rin bilan yakunladi va Konferensiyalar Ligasiga yo‘llanmani qo‘lga kiritdi. Shuningdek, Angliya Kubogida “Manchester Siti” ustidan g‘alaba qozonsa, Yevropa Ligasi yo‘llanmasiga ham ega chiqishi mumkin.

Eldor Shomurodov to‘p surayotgan “Kalyari” bosh murabbiyi Klaudio Raneri ham jamoani tark etadi. 72 yoshli mutaxassisning o‘zi bu haqida ma’lum qildi.

Xabarlarga ko‘ra, Raneri murabbiylik faoliyatini ham yakunlashi mumkin. Italiya chempionatining so‘nggi turi oldidan “Kalyari” 15-o‘rinda turibdi. “Zamin” yangiliklarini “Facebook”da kuzatib boring