Abbosbek Fayzullayev yurtimizning eng iste’dodli futbolchilaridan. 20 yoshli futbolchimiz Rossiya Premer-ligasidagi debyut mavsumidayoq o‘z salohiyatini ko‘rsata oldi.
Fayzullayevning xalqaro miqyosdagi faoliyati ancha muvaffaqiyatli kechmoqda. 20 yoshgacha bo‘lgan futbolchilar o‘rtasida Osiyo chempioni, musobaqaning eng yaxshi o‘yinchisi, jahon chempionati ishtirokchisi bo‘ldi.
23 yoshgacha terma jamoa safida Osiyo kubogida kumush medal va Parij Olimpiadasi yo‘llanmasi sohibiga aylandi. O‘zbekiston milliy terma jamoasi tarkibida jahon chempionatiga chiqish uchun kurashni davom ettirmoqda.
Abbosbek jurnalistlar bilan suhbatda o‘z orzusi haqida ham gapirdi.
— Rossiya terma jamoasi Osiyoga o‘tganida xursand bo‘larmiding?
— Ha, albatta! Jahon chempionati yoki Osiyo kubogi saralashida Rossiya bilan o‘ynash qiziqarli bo‘lardi. Ayniqsa, jamoadoshlarim Ivan Oblyakov va Fyodor Chalov bilan maydonda to‘qnash kelish qiziq bo‘lardi. Rossiya Osiyoning eng kuchli terma jamoalaridan bo‘lardi, deb o‘ylayman.
— Moskvaga ko‘chib o‘tganingda qanday qiyinchiliklarga duch kelding?
— Qiyinchilik bo‘lmadi.
— Ola-a, umuman bo‘lmadimi?
— Faqat, oilamni sog‘indim. Lekin men Moskvaga kelguncha ham yaqinlarimdan uzoqda yashaganman, shuning uchun ko‘nikma bor edi. Qolaversa, Moskvada o‘zbek oshxonalari bor, o‘zbek do‘stlarim ko‘p. O‘zimnikilarni ham bu yerga olib kelganman.
— Moskvadagi palov O‘zbekistondagichalik zo‘r emasmi?
— Yo‘q, bir xil. Tanishlarim palovni o‘zlarining choyxonasida damlaydi. Zo‘r chiqadi.
— Orzular qanday?
— O‘zbekiston terma jamoasi bilan jahon chempionatiga chiqish va SSKA bilan chempion bo‘lishni istayman. Agar biz yaxshi tayyorgarlik ko‘rsak, ko‘p ishlasak, kelasi mavsumdayoq Rossiya chempioni bo‘lishga imkoniyatimiz yetadi.
Abbosbek Fayzullayev O‘zbekiston milliy terma jamoasi safida hozirgacha 15 ta uchrashuvda qatnashib, raqiblar darvozasini to‘rt marotaba ishg‘ol qilgan.
O‘zbekiston U-23 terma jamoasi tarkibida esa, 14 ta bellashuvda o‘z hisobiga uchta gol yozdirib qo‘ydi. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Medvedev: Maxsus harbiy operatsiya uchun qurollarning aksariyati Rossiyada ishlab chiqariladi
Ukraina Kursk oblastida egallab olgan hududlarining 40 foizdan ortig‘ini yo‘qotdi
BAAda isroillik ravvin o‘ldirib ketildi
Bayden hozircha Ukrainani NATOga taklif etishga chaqirmaslikka qaror qildi
Xitoylik hakerlar AQSHdagi 150 nafar siyosatchi ortidan josuslik qilgan bo‘lishi mumkin
Farg‘onada noqonuniy valyuta savdosi bilan shug‘ullanganlar ushlandi
Beterbiyev—Bivol revansh jangi sanasi ma’lum bo‘ldi
Sharmandali mag‘lubiyatdan keyin murabbiy futbolchilarni qamab qo‘ydi
