Eldor Shomurodov O‘zbekiston milliy terma jamoasi safida 2026 yili bo‘ladigan jahon chempionati saralash musobaqasiga jalb qilingan bir pallada, uning Italiyadagi faoliyatiga oydinlik kiritildi.
Transfer huquqi “Roma”ga tegishli bo‘lgan 28 yoshli forvard mavsumni ijara asosida “Kalyari”da o‘tkazdi. Avvaliga bu transfer omadsizdek ko‘ringandi. Biroq mavsumning hal qiluvchi pallasida legionerimiz jamoasining asosiy figurasiga aylandi va “Kalyari”ning A Seriyada qolishida xizmati katta bo‘ldi.
Sardiniya va Rim klublarining o‘zaro kelishuviga ko‘ra, “Kalyari”da Eldor Shomurodov transferini yana 9 million yevro to‘lab to‘liq sotib olish huquqi bor edi. Italiyadagi manbalar bu borada “Kalyari”ning so‘nggi qarori, Eldor Shomurodovning kelajagi va “Roma”ning pozitsiyasi haqida muhim ma’lumotlarni chiqardi.
Janluka Di Marsio, jurnalist va insayder:
12-14 iyun kunlari klublar ijarada o‘ynagan futbolchilarni to‘liq transfer qilish imkoniga ega bo‘ladi. “Kalyari”ga kelsak, hal qilinadigan masalalar qatorida Eldor Shomurodov ishi bor.
Hujumchi orol jamoasida chuqur iz qioldira olmadi, 24 uchrashuvda uchtadan gol va assist qayd etdi. “Roma” va “Kalyari” o‘rtasidagi kelishuvga ko‘ra, transfer 9 million yevroga baholangan. Lekin bu summa sardiniyaliklarga og‘irlik qiladi va o‘zbek futbolchisi poytaxtga qaytadi.
Nikolo Skira, jurnalist va insayder:
“Kalyari”da o‘ynagan 28 yoshli hujumchining transfer huquqi “Roma”ga tegishli. Sardiniyaliklar bu futbolchini to‘liq transfer qilish imkoniyatidan foydalanmaslikka qaror qildi. Bunga “Roma” 5 million yevroga baholanayotgan futbolchi uchun 9 million yevro talab qilgani sabab bo‘ldi.
Sky Sport:
“Roma” hujumchisi o‘tgan mavsum davomida jismoniy tayyorgarligidagi muammolar va oyog‘i singani uchun A Seriyada 12 ta uchrashuvni o‘tkazib yubordi. Shu tariqa, chempionatda 22 ta bellashuvda umumiy hisobda 931 daqiqa o‘ynab, uchtadan gol va assist muallifi bo‘ldi. Bu ko‘rsatkichlar uni “Kalyari”da olib qolinishiga kamlik qildi.
Endi sardiniyaliklar “Roma”ga Shomurodov uchun talab qilinayotgan 9 million yevroni to‘lamaydi. 28 yoshli forvard Rimga qaytadi. Lekin Daniele De Rossi jamoasida ham unga joy berilmasa kerak. Eldor yangi jamoa qidiradi.
Ta’kidlash joizki, “Kalyari” mutasaddilari “Roma” Shomurodov uchun talab qilinayotgan summani pasaytirishini kutgan edi. Biroq, Rim klubi o‘zbek futbolchisi masalasida “Jenoa”dan qarzini yopmagan. Rimliklar ikki yil ichida genuyaliklarga 8 million yevro o‘tkazib berishi shartligi ma’lum qilingandi.
Eslatib o‘tamiz, Eldor Shomurodov 2020 yilning oktyabridan beri A Seriyada o‘ynamoqda. Tajribali hujumchimiz “Jenoa”, “Roma”, “Spetsiya” va “Kalyari” jamoalari safida jami 100 dan ortiq uchrashuvda qatnashib, o‘z hisobiga 15 ta gol yozdirib qo‘ygan. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Qozog‘iston Ukraina atrofidagi vaziyat tufayli harbiy va fuqarolik obyektlari xavfsizligini kuchaytirdi
Zelenskiy Putin borasida bayonot berdi: “Tinchlikni istaganlar yuziga tupurmoqda”
Italiya sudi Quddus Isroil poytaxti emasligi haqida qaror chiqardi
2026 yilda bo‘lajak mundialning favoritlari reytingi taqdim etildi
Putin Ukrainadagi obyektga ballistik raketa zarbasi berilganini e’lon qildi
Befoyda va qimmat: shifokorlar tavsiya etmaydigan 5 turdagi biologik faol qo‘shimchalar
O‘mon sultonligi elchisi: «Urushlarni harbiy kuch bilan hal qilib bo‘lmaydi»
