Abbosbek Fayzullayev “Paxtakor”da qancha maosh olgani ma’lum bo‘ldi

^{Foto:“Paxtakor” fk}
O‘zbekiston terma jamoasi hamda “SSKA” klubining hujumkor yarim himoyachisi Abbosbek Fayzullayev sobiq klubi “Paxtakor”da qancha maosh olgani ma’lum bo‘ldi. Bu haqda futbolchining o‘zi “Pulnews” YouTube kanaliga bergan intervyusida ma’lum qilgan.

“17 yoshimda “Paxtakor”ning asosiy jamoasi o‘yinlarida debyut qildim. Jamoadagi oylik maoshim 12 million 500 ming so‘mni tashkil qilgan”, — deydi Abbosbek Fayzullayev.

Moskvada to‘p surayotgan Fayzullayev klubdagi maoshi haqida gapirmaslikni lozim topgan.

“Shartnomamga ko‘ra oylik maoshim haqida ma’lum qilolmayman. Moskvadagi xarajatlarim oyiga 4-5 ming dollarga yetadi. Maoshimdan qolgan qismini oilamdagilarga beraman”, — deydi 20 yoshli o‘zbekistonlik Abbosbek Fayzullayev.

Abbosbek hozirda O‘rta Osiyoning eng qimmat futbolchisi hisoblanadi. Transfermarkt portali Abbosbekni 6 million yevroga baholagan.

Abbosbek Fayzulayev 2023 yil “SSKA” safiga 500 ming yevro evaziga ko‘chib o‘tgan edi.

Abbosbek joriy mavsum “SSKA” tarkibida barcha musobaqalarda 32 ta o‘yin o‘tkazib, 5 ta gol va 14 ta golli uzatmaga mualliflik qildi.

Futbolchi Rossiya Premer Ligasida “Mavsum kashfiyoti” sovrini egasiga aylandi. “Zamin” yangiliklarini “Vkontakti”da kuzatib boring