Professional boksda magʻlubiyatsiz harakat qilayotgan va yarim oʻrta vazn toifasi reytingida birinchi oʻrinni egallab turgan Shahram Gʻiyosov (16-0, 9 KO) meksikalik Migel Perraga (22-5-1, 14 KO) qarshi ringga koʻtarildi.
Oʻzbekistonlik bokschi jangni ustunlik bilan boshladi, 6-raundga kelibgina Perra vaziyatni tenglashtirdi. Ammo Shahram yana nazoratni oʻz tomoniga ogʻdirdi va 7-raundda raqibni deyarli nokdaun holatiga tushirdi, ammo referi beldan pastga zarba berildi deb hisobni ochmadi.
10 raund davom etgan jangda Shahram Gʻiyosov ochkolar hisobiga raqibi ustidan gʻalaba qozondi. Yakunda hakamlardan faqat bittasi Migel Perraning gʻalaba qozonganini e'tirof etdi. Qolgan ikki ham Shahram Gʻiyosovning ustunligini qayd etdi — 94:95, 95:94, 96:93.
Shu tariqa 31 yoshli bokschimiz professional boksdagi 16-jangini ham oʻz foydasiga hal qildi.
Shahram soʻnggi jangini fevral oyida Pablo Sezar Kanoga qarshi oʻtkazib, ochkolar evaziga gʻalaba qozongandi. Janggacha Shahram Gʻiyosovning professional boksda 15 ta gʻalabasi mavjud edi, ular soni 16 taga etdi.
Avvalroq oʻzbekistonlik bokschi Shahram Gʻiyosov Madrimov—Krouford kardida jang qilishi mumkinligi xabar qilingan edi.
Ushbu jang 3 avgust kuni boʻlib oʻtadi. Hozirda ikki oʻzbekistonlik bokschi Amerikada mashgʻulotlarda qatnashmoqda. “Zamin” yangiliklarini “Telegram”da kuzatib boring
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
