Parij—2024. Bahodir Jalolov avstraliyalik raqibini mag‘lub etib, yarim finalga yo‘l oldi

Fransiyaning Parij shahrida yozgi Olimpiada bahslari bo‘lib o‘tmoqda.

Olimpiada doirasida boks musobaqasining +92 kggacha bo‘lgan bokschilar bahsida o‘zbekistonlik bokschi Bahodir Jalolov avstraliyalik Teremoana Juniorga qarshi o‘tkazdi.

Chorak finalning birinchi raundida Bahodir 4:1 hisobida ustun keldi. Ikkinchi raundda ham o‘zbekistonlik bokschi foydasiga 3:2 hisobi qayd etildi.

Uchinchi raundda ham faollik ko‘rsatgan Jalolov yarim final yo‘llanmasiga ega chiqdi.

Endi u 7 avgust kuni germaniyalik Nelviye Tiafakka qarshi final yo‘llanmasi uchun jang qiladi.

Bahodir bundan oldingi bosqichda norvegiyalik Omar Shihaga hech qanday imkoniyat qoldirmagan edi. “Zamin”ni Telegramʻda oʻqing!