“Roma” yangi mavsumga tayyorgarlikni Angliyada davom ettiradi. Jamoaning ikki a’zosi – Eldor Shomurodov va yangi hujumchi Artyom Dovbik o‘z mamlakatlari elchixonalari viza olib berishini kutayotgani aytilmoqda.
Italiya matbuoti esa, 29 yoshli futbolchimizning kelajagi masalasidagi yangidan yangi ma’lumotlarni chiqarmoqda.
Italiya ommaviy axborot vositalarining Eldor Shomurodov atrofidagi vaziyat bo‘yicha e’lon qilayotgan axborotlarini o‘zbekistonlik futbol ishqibozlari e’tiboriga havola etamiz.
FORZAROMA.INFO:
Avgust oyining ilk kunlaridan “Roma” kirish va chiqish transferlarida faolroq ishlashiga to‘g‘ri kelmoqda. Jamoa 18 avgustga belgilangan “Kalyari” bilan bo‘ladigan birinchi tur o‘yiniga Angliyada tayyorlanar ekan transferlar olamida yangiliklar bo‘lishi kutilyapti.
La Gazzetta dello Sport gazetasi tarqatayotgan so‘nggi xabarlarga qaraganda, “Verona”ning Eldor Shomurodovga bo‘lgan qiziqishi tobora ortib bormoqda. 29 yoshli o‘zbek hujumchisi yaqindagina Parij Olimpiadasida ishtirok etib qaytdi. Endi tez kunlar ichida uning transferi bo‘yicha klublar o‘rtasidagi hal qiluvchi muzokaralar bo‘lib o‘tadi.
CALCIOHELLAS.IT:
“Verona”ga hujumchi kerak. Klub nishonida ikki hujumchi – Robert Bozenik va Eldor Shomurodov bor.
Jamoaga markaziy hujumchi olish uchun veronaliklar sport direktori Shon Solyano hal qiluvchi qadam tashlashga tayyorgarlik ko‘rmoqda. U kelasi hafta “Boavishta” va “Roma” mutasaddilari bilan uchrashuv o‘tkazib, ro‘yxatdagi hujumchilarni olishga harakat qilib ko‘radi.
Slovakiyalik Robert Bozenikni portugaliyaliklar o‘z odatiga ko‘ra, ancha qimmat baholamoqda. Eldor Shomurodovni esa, “Roma”dan arzonroq yoki ijaraga olish imkoniyati bor.
ROMAPRESS.NET:
Parij Olimpiadasidan qaytgan Eldor Shomurodovning vakillari unga yangi jamoa topish harakatida. “Verona” rahbariyati “Roma” hujumchisini o‘z safiga qo‘shib olishdan manfaatdor.
“Roma” mutasaddilari o‘zbek futbolchisi transferidan keladigan mablag‘ni o‘z maqsadlari yo‘lida ishlatmoqchi.
“Verona” Eldor Shomurodovga aniq taklif berishga tayyorligini ma’lum qildi. Bu masala yangi haftada ko‘rib chiqiladi va veronaliklar uni ijobiy hal qilish imkoniga ega.
Eslatib o‘tamiz, Eldor Shomurodov 2020 yilning oktyabridan beri Italiya chempionatida o‘ynab kelmoqda. Hozirgacha “Jenoa”, “Roma”, “Spetsiya” va “Kalyari”da to‘p tepgan hujumchimiz A Seriyada 102 ta uchrashuvda 15 ta gol va 9 ta assist muallifi bo‘lgan.
O‘zbek legioneri UYEFA Konferensiyalar ligasining ilk g‘olibi hisoblanadi. Shomurodov Yevropadagi faoliyatida erishgan yagona bu sovrinni 2021 yili “Roma”da o‘ynagan davrda qo‘lga kiritgan. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Italiya sudi Quddus Isroil poytaxti emasligi haqida qaror chiqardi
Shavkat Mirziyoyev Rossiya bosh prokurori bilan uchrashuv o‘tkazdi
22 noyabr kuni Cobalt avtomobiliga shartnoma ochilishi e’lon qilindi
2026 yilda bo‘lajak mundialning favoritlari reytingi taqdim etildi
O‘mon sultonligi elchisi: «Urushlarni harbiy kuch bilan hal qilib bo‘lmaydi»
Qozog‘iston Ukraina atrofidagi vaziyat tufayli harbiy va fuqarolik obyektlari xavfsizligini kuchaytirdi
