Rasul Magomedaliyev: "Rossiyalik jangchilarning darajasi AQSH nikidan yuqori"

Universal Fighters klubi bosh murabbiyi Rasul Magomedaliev Rossiyada o‘rtacha jangchilar darajasi AQSH nikidan yuqori ekanini ta’kidladi.

"Asosan, UFC dagi amerikalik jangchilarning yarmidan ko‘pi sport nuqtayi nazaridan "axlat"dir. Bu yerda, Rossiyada men hech qachon bunday zaif jangchini ko‘rmaganman. Biz rossiyaliklar UFC ga kirishi uchun qanday sinovlardan o‘tishini bilamiz. AQSH liklar o‘z imzolarini qo‘yadi va shtat chempionatida g‘alaba qozonishsa bo‘lgani. Men ruslarning bir-biriga do‘stona munosabatdaligiga ishonaman. Lekin Maxachqal’a zalidagi yigitlar xuddi bu ularning so‘nggi jangidek kurashishmoqda”, — dedi Magomedaliyev MMA.METARATINGS.RU saytiga.

Ma’lumot uchun, Armen Petrosyan (9-3) Magomedaliyevning sport zalida mashg‘ulot o‘tkazmoqda, u 26 oktyabr kuni BAA ning Abu-Dabi shahrida bo‘lib o‘tadigan "UFC 308" musobaqasida Sharabutdin Magomedov (15:0) bilan jang qilishi mumkin. “Zamin”ni Telegramʻda oʻqing!