![Shomurodovga Yevropada yana imkoniyat berishga qaror qilishdi](/uploads/posts/2024-09/x974477bde9_1.webp.pagespeed.ic.hoetZAgr6j.webp)
Eldor Shomurodov “Roma” tarkibida UYEFA tasnifidagi uch nufuzli musobaqadan biri – Konferensiyalar ligasida g‘olib chiqqan futbolchilardan hisoblanadi.
Rim klubi 2021-2022 yilgi mavsumda ilk marotaba tashkil etilgan ushbu xalqaro turnirda g‘olib chiqqan ilk jamoa bo‘lgandi. Keyingi mavsumda Joze Mourino shogirdlari Yevropa ligasi finaliga chiqqan bo‘lsa-da, amalda sovrinsiz qolgandi.
Endi “Roma” Yevropa ligasini Daniele De Rossi boshchiligida qo‘lga kiritib, Chempionlar ligasi yo‘llanmasiga ega chiqishga urinib ko‘radi.
Bu mavsumdan e’tiboran, Yevropadagi xalqaro turnirlar yangicha formatda tashkil etilmoqda. Yevropa ligasining umumiy guruh bosqichida 36 ta jamoa nimchorak finalga chiqish uchun kurashadi. Jamoalar uy-safar tizimida to‘rttadan, jami sakkizta uchrashuvda maydonga tushadi.
Umumiy guruhda dastlabki sakkiz pog‘onani egallagan jamoalar to‘g‘ridan to‘g‘ri 1/8 finalga yo‘llanma oladi. 9-24-o‘rin sohiblari nimchorak finalga chiqish uchun o‘tish uchrashuvlarida ishtirok etishiga to‘g‘ri keladi. Qolgan jamoalar musobaqani tark etadi.
“Roma” bosh murabbiyi Daniele De Rossi Yevropa ligasi umumiy guruhidagi o‘yinlarda qatnashadigan o‘yinchilar ro‘yxatini UYEFAga taqdim etdi.
Murabbiylar shtabi qaydnomaga yozgi transferlar oynasida eng oxiri bo‘lib jamoaga qo‘shib olingan yangi olingan o‘yinchilar – ispaniyalik Mario Ermoso va germaniyalik Mats Xummelsni ham kiritdi. Yosh o‘yinchi Samuel Dal tarkibga kiritilmagan bo‘lsa, 2007 yilda tug‘ilgan iste’dod egasi Buba Sangarega musobaqa qaydnomasidan joy oldi.
Quvonarli tomoni, yaqingacha Eldor Shomurodov bilan xayrlashish payida bo‘lgan “Roma” legionerimizga Yevropa miqyosidagi musobaqalarda ham imkon berishga qaror qildi. Eldorda Konferensiyalar ligasi va Yevropa ligasida o‘ynash tajribasi bor va hamyurtimiz har ikki musobaqada gollari hisobini ochib bo‘lgan.
UYEFA qoidasiga ko‘ra, qaydnomaga jami 25 nafar o‘yinchi kiritiladi va ulardan kamida ikki nafari darvozabon bo‘lishi kerak.
“Roma”ning qaydnomasi quyidagicha ko‘rinish oldi:
3-raqam: Esmoris Tasende Xose Anjelino
4-raqam: Kristante Brayan
5-raqam: Ndika Evan Obite
7-raqam: Pellegrini Lorenso
11-raqam: Dovbik Artem
12-raqam: Abdulhamid Saud
14-raqam: Shomurodov Eldor
15-raqam: Xummels Mats
16-raqam: Paredes Leandro
17-raqam: Kone Kuadio Emmanuel Boris
18-raqam: Sule Malvano Matias
19-raqam: Chelik Mexmet Zeki
21-raqam: Dibala Paulo Eksekel
22-raqam: Ermoso Kanseko Mario
23-raqam: Janluka Manchini
28-raqam: Le Fe Enso
35-raqam: Baldansi Tommazo
56-raqam: Salemakers Aleksis Jessi
59-raqam: Zalevskiy Nikola
66-raqam: Sangare Traore Abubakar
92-raqam: Stefan El-Shaaravi
98-raqam: Rayan Metyu
99-raqam: Svilar Mila
“Roma” ilk uchrashuvini 26 sentyabr kuni “Olimpiko” arenasida Ispaniya chempionati vakili Bilbaoning “Atletik” jamoasiga qarshi o‘tkazadi.
Umumiy guruh bosqichida rimliklar Ukrainaning “Dinamo Kiyev”, Portugaliyaning “Braga”, Germaniyaning “Ayntrax” jamoalarini o‘z maydonida qabul qiladi. Shuningdek, Shvetsiyaning “Elfsborg”, Belgiyaning “Yunion”, Angliyaning “Tottenxem”, Niderlandiyaning “AZ Alkmaar” futbolchilari mehmoni bo‘ladi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
![AQSH G‘azo sektori bo‘yicha yangi reja taqdim etdi расм](/uploads/posts/2024-09/xcfd746ce35_photo_2024-09-05_08-39-46-rxi8cmut.webp.pagespeed.ic.CmmV_PYc0e.webp)
AQSH G‘azo sektori bo‘yicha yangi reja taqdim etdi
![AQSH rasmiylari: Isroil va HAMAS o‘rtasidagi kelishuv yakunlanish arafasida расм](/uploads/posts/2024-09/x569407ef0c_photo_2024-09-05_20-28-32-cryheait.webp.pagespeed.ic.DD_HbN9eIP.webp)
AQSH rasmiylari: Isroil va HAMAS o‘rtasidagi kelishuv yakunlanish arafasida
![“Kavkaz asirasi”da hech kim payqamagan xatolik: Shurikning sochi qanaqa rangda? расм](/uploads/posts/2024-09/xb91623c4ef_photo_2023-07-20_14-04-12-hphngsdl.webp.pagespeed.ic.tkESSuK-t4.webp)
“Kavkaz asirasi”da hech kim payqamagan xatolik: Shurikning sochi qanaqa rangda?
![Lavrov «qizil chiziqlar bo‘yicha hazillashmaslik kerakligi»ni aytdi расм](/uploads/posts/2024-09/xe271f58933__8n9hxximyhrl-46-t3ya6kjwngyyhdb.webp.pagespeed.ic.KVzzVtarXQ.webp)
Lavrov «qizil chiziqlar bo‘yicha hazillashmaslik kerakligi»ni aytdi
![Farg‘onada Cobalt'lar ortilgan avtotreyler YTHga uchradi расм](/uploads/posts/2024-09/xb47015b077_photo_2024-09-04_22-05-21-dw1zlxt3.webp.pagespeed.ic.39cCiXIS0D.webp)
Farg‘onada Cobalt'lar ortilgan avtotreyler YTHga uchradi
![Malayziya bosh vaziri G‘arbni ikkiyuzlamachilikda aybladi расм](/uploads/posts/2024-09/x7feb37e907_photo_2024-09-05_21-16-07-b7bg8xby.webp.pagespeed.ic.3-FhoOjW2h.webp)
Malayziya bosh vaziri G‘arbni ikkiyuzlamachilikda aybladi
![CNN taslim bo‘lgan ukrainalik askarlarning otib tashlanishi aks etgan videoni e’lon qildi расм](/uploads/posts/2024-09/xd930cf2f1e_ouq_xpivygizdn5jga-ziobgey2xwhqv.webp.pagespeed.ic.PwiwohKrJR.webp)
CNN taslim bo‘lgan ukrainalik askarlarning otib tashlanishi aks etgan videoni e’lon qildi
![Alen Delonning vasiyatnomasi farzandlariga topshirildi расм](/uploads/posts/2024-09/xe97bf249fb_920__95_2849766809.webp.pagespeed.ic.06WG6rNrLO.webp)
Alen Delonning vasiyatnomasi farzandlariga topshirildi