Madrimov, Jalolov va Ahmadaliev Dmitriy Bivolni qoʻllash uchun Ar-Riyod shahriga boradi

Saudiya Arabistonida 12 oktyabr kuni yarim ogʻir vazn toifasida mutlaq jahon chempionligi uchun Artur Beterbiev (WBC, WBO va IBF kamarlari sohibi) va Dmitriy Bivol (WBA kamari sohibi) jang qiladi.

Sobiq jahon chempionlari Isroil Madrimov va Murodjon Ahmadaliev, shuningdek, ikki karra Olimpiada chempioni Bahodir Jalolov, boks boʻyicha Oʻzbekiston terma jamoasi bosh murabbiyi Toʻlqin Qilichev Dmitriy Bivolni qoʻllab-quvvatlash maqsadida Ar-Riyod shahriga boradi.

Eslatib oʻtamiz, Beterbiev va Bivol 1 iyun kuni toʻqnash kelishi lozim edi, biroq Artur jarohat olgani bois, jang qoldirilgandi. Natijada, Bivol Malik Zinadga qarshi jang qilib, uni 6-raundda nokautga uchratdi.

Bivol 23 ta jangining 23 tasida gʻalaba qozongan (12 tasi nokaut bilan). Beterbiev ham 20 ta jangining barchasida zafar quchgan. “Zamin” yangiliklarini “Telegram”da kuzatib boring