Abduqodir Husanov o‘zbek legionerlari orasida eng barqaror o‘yin ko‘rsatayotgan futbolchilarimizdan hisoblanadi.
Bir yildan ortiq vaqt mobaynida “top-5” chempionatlar qatorida e’tirof etiladigan Liga 1 uchrashuvlarida qatnashib kelayotgan 20 yoshli himoyachimiz o‘ziga berilgan imkoniyatdan unumli foydalanib, jamoasining asosiy o‘yinchisiga aylanib oldi.
Garchi Husanovning asosiy ampluasi markaziy himoyachi bo‘lsa-da, vaziyatdan kelib chiqib, orqa chiziqning har qanday nuqtasida muvaffaqiyatli o‘ynay oladigan universal himoyachi ekanini isbotlab qo‘ydi.
Joriy mavsumning startidagi bir necha o‘yindayoq hamyurtimiz nafaqat Fransiyada, balki butun Yevropada tanila boshladi. So‘nggi ma’lumotlarga qaraganda, Abduqodir Husanovga PSJ, “Arsenal”, “Everton”, “Nyukasl” kabi mashhur klublar jiddiy qiziqish bildirmoqda.
Yevropaning qator manbalari va ekspertlari o‘zbek futbolchisining kelajagi va transfer imkoniyatlari haqida o‘z qarashlarini yozmoqda.
BUTFOOTBALLCLUB.FR:
- Yangilik bo‘lishi yaqin. Liga 1 da mavsumning eng yorqin startini namoyish qilgan Abduqodir Husanov “Lans” uchun haqiqiy syurpriz bo‘ldi. Yaqinlashib kelayotgan qishki transferlar vaqtidayoq “Lans” jek-potni urishi mumkin.
Chunkim”Pari Sen-Jermen” o‘zbek futbolchisini olib ketishi kutilmoqda. Biroq PSJ bu transfer uchun kurashadigan yagona klub emas.
Abduqodir Husanov ideal futbolchi uchun talab etiladigan ko‘plab xususiyatlarni o‘zida mujassam etgan. U juda kuchli markaziy himoyachi, yakkama-yakka kurashlarda yengilmas, raqibni har qanday vaziyatda to‘xtatib qolish qobiliyatiga ega. O‘zbek legioneri o‘z harakatlari bilan bosh murabbiy Uill Stillni talablariga to‘liq javob berib kelmoqda.
Keyingi paytda 20 yoshli o‘yinchiga jarima to‘plarini ishonib topshirishyapti, uning o‘zi hujumga ham qo‘shilib turibdi. Ana shunday muhim xislatlarga ega himoyachi ortidan yanvar oyidayoq xaridorlar kelishi kutilyapti. Husanovning reytingi tez o‘sib boryapti.
Remi Byuizin, fransiyalik mashhur jurnalist:
- Husanovga Angliya klublarining qiziqishi bugun paydo bo‘lgani yo‘q. Yozgi transferlar oynasi davridan beri bu futbolchi Yevropaning qator klublarini qiziqtirib keladi.
Yana biroz vaqt o‘tishi bilan uning reytingi yanada oshadi. Husanovning salohiyati katta klublar nazariga tushganiga ancha bo‘ldi. Yangi mavsumda atigi o‘nta uchrashuvda o‘ynagan bo‘lishiga qaramay, Angliya klublari e’tiborini o‘ziga qaratdi.
Biroq transfer bozori natijalarini oldindan taxmin qilib bo‘lmaydi. Chunki qarorlar kutilmaganda va juda tez qabul qilinadi. Qiziqishlar va muzokaralar hali Husanov Angliyaga ketayotganidan dalolat bermaydi. Hozir ikki-uchta klub bu o‘yinchini olish rejasini qurmoqda.
Batist Lakomm, hommedumatch.fr portali eksperti:
- Abudqodir Husanov joriy mavsum boshidan juda yuqori statistikani namoyish qilmoqda va Liga 1 o‘yinchilaridan birortasi bu borada o‘zbek legioneri bilan tenglasha olmaydi.
“Lans”ning 20 yoshli himoyachisi chempionat o‘yinlarida yaqqol ajralib turibdi. Uning mukammal o‘yini va yuqori salohiyatga ega iqtidori bir necha klublar e’tiborini tortdi va ular qishki transferlar oynasi ochilishi bilan Husanovni qo‘lga kiritishga urinib ko‘radi.
Husanov himoya markazidagi ishonchli o‘yini, yakkakurashlardagi ustunligi, hujumni to‘g‘ri boshlab berish qobiliyati bilan tanila boshladi. So‘nggi uchrashuvlarda esa, standart vaziyatlardan zarba yo‘llash va hujumga qo‘shilishdagi mahoratini ham namoyish qilgani e’tiborni tortdi.
PSJ Husanovga qiziqish bildirayotgan va himoyachi atrofidagi vaziyatni diqqat bilan kuzatib kelayotgan klublardan biri. Biroq o‘zbek futbolchisiga Angliya klublarining da’vogarlik qilayotgani himoyachining transfer summasini oshib ketishiga olib keladi va raqobatni kuchaytirib yuboradi.
Ayni paytda Abduqodirga oid transfer ma’lumotlari tobora ko‘payib bormoqda. Uning talantini payqab, olishga harakat qilayotgan klublar soni ham ortyapti. Lekin Husanov faoliyatini “Lans”da davom ettiradimi yoki oldindagi transferlar bozorlari davrida boshqa klubga ketadimi, hozircha aniq javob berib bo‘lmaydi.
Eslatib o‘tamiz, “Lans” Abduqodir Husanovni 2023 yilning yozida Belarus chempionati vakili “Energetik-BGU”dan 100 ming yevro evaziga transfer qilgan. Fransiyada muvaffaqiyatli to‘p tepayotgan hamyurtimizning ayni paytdagi transfer summasi besh million yevroga yetdi. Ekspertlar mavsum oxirigacha bu narx yana ko‘tarilishini ta’kidlamoqda.
Ayrim manbalar “Lans” rahbariyati Abduqodir Husanov transferidan 30 million yevro atrofida mablag‘ ishlab olishni rejalashtirayotganini ma’lum qildi. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Dunyoning mashhur ayollari kunni qanday boshlaydi?
Xalqaro jinoyat sudi Isroil bosh vaziri Netanyaxuni hibsga olishga order berdi
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
22 noyabr kuni Cobalt avtomobiliga shartnoma ochilishi e’lon qilindi
Xonanda Ruxshona uylanmagan yigitga turmushga chiqqani haqida so‘zlab berdi
Diniy qo‘mita Umra ziyoratini tashkil qilish uchun 12 ta turfirmaga litsenziya berdi
Qozog‘iston Ukraina atrofidagi vaziyat tufayli harbiy va fuqarolik obyektlari xavfsizligini kuchaytirdi
KXDR terma jamoasi bosh murabbiyi: "O‘zbekistonga qarshi o‘yinlarni yaxshi o‘tkazdik, ammo..."
