O‘zbekiston milliy terma jamoasi safida 2026 yilgi jahon chempionatining saralash uchrashuvlari, “Lans” tarkibida Fransiya chempionatida ishonchli o‘yin o‘tkazayotgan Abduqodir Husanov “top-5” ligalarida bir necha klublarning nishoniga tushdi.
Fransiyadagi manbalar grand klublari orasidan birinchi bo‘lib PSJ o‘zbek futbolchisining iqtidorini payqagani va unga qizish bildira boshlagani haqida ma’lumot tarqatgan edi.
Endi yana bir nufuzli nashr – foot-sur7.fr portali PSJ va Abduqodir Husanovga doir yangi ma’lumotlarni taqdim etdi.
- “Lans”ning yosh himoyachisi Abduqodir Husanov PSJning qishki transferlar ro‘yxatiga kiritildi. Parijliklar uning xizmatidan foydalanish uchun muzokaralarni tezlashtirishga tayyorgarlik ko‘rmoqda.
Mavsum boshidan beri o‘z jamoasida yuqori saviyada o‘ynay olishini namoyish qilib kelayotgan o‘zbekistonlik 20 yoshli markaziy himoyachi ko‘p klublar nazariga tushdi. O‘zbekiston milliy terma jamoasi futbolchisi o‘z o‘yini bilan “Lans” rahbariyati va bosh murabbiy Uill Still ishonchini oqlab kelmoqda. Buning samarasida u asosiy tarkibning muqim o‘yinchisiga aylanib ulgurdi.
“Lans” eng iqtidorli o‘yinchilaridan birini qo‘ldan chiqarishi ehtimoli oshib bormoqda, chunki Abduqodir Husanovga Yevropaning grand klublari jiddiy qiziqa boshlagan va uning atrofidagi vaziyatni sinchkovlik bilan kuzatib borishyapti.
Ekspertlar o‘zbek himoyachisi uchun kurashda PSJ Angliya Premer-ligasi klublari bilan raqobatlashishiga to‘g‘ri kelishini ta’kidlamoqda.
Fransiya chempioni Abduqodirni Milan Shkrinyarning o‘rniga olib kelishni mo‘ljallagan. Slovakiya terma jamoasining mashhur o‘yinchisi yanvarda boshqa klubga o‘tib ketmoqchi. Ichki raqobatda Markinos va Uilyam Pacho bilan raqobatlasha olmay, o‘yin amaliyotisiz qolib ketayotgan “Inter”ning sobiq futbolchisi yanvarda boshqa klubga o‘tib ketishga qaror qildi.
Qishki transferlar vaqtida Husanovni transfer qilishni mo‘ljallayotgan klublar orasida “Nyukasl” va “Everton” ham bor. Raqobatning kuchayib borayotgani himoyachining transfer summasi keskin ko‘tarilib borishiga turtki bo‘lyapti.
Transfermarkt portali ekspertlari uning ayni paytdagi transfer summasini 5 million yevro ekanini qayd etgan. Biroq mavsum boshlanganidan keyin amalda bu summa kamida ikki baravarga oshgani ta’kidlandi. Xususan, Fransiyaning eng nufuzli nashri – L'Équipe Husanovning hozirgi bahosi 10 million yevrodan yuqori ekanini yozmoqda.
Agar “Lans” mutasaddilari o‘z futbolchisini qo‘yib yuborishga ko‘nsa, mo‘may daromad keltiradigan transferni amalga oshirish imkoniga ega bo‘ladi, - deb yozmoqda – foot-sur7.fr portali eksperti Leons Siriak.
Eslatib o‘tamiz, Abduqodir Husanov joriy mavsumda “Lans”ning barcha uchrashuvlarida ishtirok etmoqda va ularning aksariyatida jamoasining eng yaxshi o‘yinchisi sifatida e’tirof etilmoqda.
Yangi mavsum boshlanganiga uch oy bo‘lgan bo‘lsa, legionerimiz “Lans”ning sentyabr va oktyabr oylaridagi eng yaxshi futbolchisi, deb e’tirof etildi. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
Diniy qo‘mita Umra ziyoratini tashkil qilish uchun 12 ta turfirmaga litsenziya berdi
Qozog‘iston Ukraina atrofidagi vaziyat tufayli harbiy va fuqarolik obyektlari xavfsizligini kuchaytirdi
Xonanda Ruxshona uylanmagan yigitga turmushga chiqqani haqida so‘zlab berdi
22 noyabr kuni Cobalt avtomobiliga shartnoma ochilishi e’lon qilindi
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Ramzan Qodirov G‘arb davlatlariga hujum qilishga chaqirdi: “Haqiqiy urush qandayligini his qilishsin”
Kreml saroyida O‘zbekiston yulduzlari konserti qanday o‘tdi?
