Fransiya chempionati o‘ninchi turidan o‘rin olgan PSJ va “Lans” uchrashuvi Abduqodir Husanov uchun o‘ta muhimligi oldindan aytilgan edi.
Sababi mamlakatning eng qudratli klubi qishki transferlar vaqtida o‘zbek legionerini qo‘lga kiritishga urinib ko‘rmoqchi bo‘layotgani va parijlik mutasaddilar jamoalarning o‘zaro uchrashuvida Husanovning harakatlarini sinchkovlik bilan kuzatishlari haqida juda ko‘p ma’lumotlar tarqatildi.
Haqiqatan, parijliklarning kichik hisobdagi g‘alabasi bilan yakunlangan uchrashuvda Husanov hammani o‘ziga qaratdi. U PSJning Usmon Dembele, Bredli Barkola, Lukas Beraldo, Ashraf Hakimi singari yulduzlarini to‘xtatib qoldi. Biroq bu ishni shiddatli va qo‘pol o‘ynash orqali uddaladi.
60-daqiqada maydondan haydalib ketgan Abduqodir Husanov PSJ mutasaddilari hafsalasini pir qildimi?
Bu savolga Fransiya futbolini yoritib kelayotgan foot-sur7.fr portali anatiliki Leons Siriak oydinlik kiritdi.
- PSJ va “Lans” o‘rtasidagi uchrashuvda o‘zbekistonlik yosh himoyachi o‘zini diqqat bilan kuzatib borayotgan Fransiya chempionlariga bor mahoratini ko‘rsatib qo‘yish imkoniyatiga ega edi.
Darhaqiqat, Abduqodir Husanov bir necha hafta davomida Parij klubi rahbariyatini qiziqtirib kelayotgani ma’lum. Amaldagi chempioni bu transferni qishda amalga oshirish uchun amaliy harakatlarni tezlashtirishi kutilyapti.
PSJ sport direktori Luish Kampush jamoadan ketishi kutilayotgan slovakiyalik legioner Milan Shkrinyar o‘rnini aynan Abduqodir Husanov bilan to‘ldirmoqchi.
Afsuski, o‘zaro uchrashuvning ikkinchi bo‘limi o‘rtalarida O‘zbekiston terma jamoasi himoyachisi qizil kartochka olib, “Lans”ni PSJ bilan bir kishi kam bo‘lib o‘ynashga majbur qildi. VAR aralashuvidan keyin uning qo‘polligi maydondan chetlatish bilan jazolandi. Birinchi bo‘limda ham 20 yoshli futbolchi qo‘pol podkat uchun ogohlantirish olgandi.
Bu vaziyatdan keyin PSJning fikri o‘zgardimi?
Yo‘q, PSJ hali o‘z maqsadidan voz kechgani yo‘q. Lekin yosh himoyachi “Lans”ning qolgan o‘yinlarida o‘zini yanada ko‘proq ko‘rsatishiga to‘g‘ri keladi.
Joriy mavsumda Abduqodir Husanov “Lans”ning barcha turnirlardagi 12 ta uchrashuvida ishtirok etib ulgurdi. Bu bellashuvlarning deyarli barchasida himoyachi juda faol va ishonchli o‘ynadi. Tabiiyki, bu uning transfer summasi ko‘tarilishiga asos bo‘ladi.
Transfermarkt portali bugungi kunda Husanovni 5 million yevroga baholamoqda. Fansiyaning nufuzli manbasi L'Equipe Abduqodirning narxi allaqachon 10 million yevrodan o‘tib ketganini yozdi. “Lans” esa, o‘z himoyachisi uchun bu summaning kamida uch baravarini so‘raydi, - deb yozmoqda foot-sur7.fr portali anatiliki Leons Siriak.
Eslatib o‘tamiz, Abduqodir Husanov 2023 yilning yozidan beri “Lans” jamoasida to‘p tepyapti. Jamoa muxlislari yangi mavsumning sentyabr va oktyabr oylarida Abduqodir Husanovni “Lans”ning eng yaxshi o‘yinchisi, deb topdi. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Dunyoning mashhur ayollari kunni qanday boshlaydi?
Xalqaro jinoyat sudi Isroil bosh vaziri Netanyaxuni hibsga olishga order berdi
22 noyabr kuni Cobalt avtomobiliga shartnoma ochilishi e’lon qilindi
Diniy qo‘mita Umra ziyoratini tashkil qilish uchun 12 ta turfirmaga litsenziya berdi
Xonanda Ruxshona uylanmagan yigitga turmushga chiqqani haqida so‘zlab berdi
Italiya klubi yangi bosh murabbiyni bir kunda haydab yubordi...
"JCH-2026" saralashi. O‘zbekiston qiyinchilik bilan KXDRni mag‘lub etdi
Tanzila Norboyeva Senat raisi lavozimiga qayta saylandi
