Qishki transferlar oynasi davrida Abduqodir Husanov atrofidagi vaziyat qaynaydigan ko‘rinadi. Yevropa matbuotining yozishicha, Fransiyaning yetakchi klublari o‘zbek futbolchini Angliya klublari olib ketishiga yo‘l qo‘ymoqchi emas.
Nufuzli manbalardan biri – topmercato.com nashri 20 yoshli legionerimiz atrofida yuzaga kelgan holat bo‘yicha ma’lumot chiqardi.
- Bir necha xorij klublari qatorida “Olimpik Marsel” ham Abduqodir Husanovning iziga tushgan. O‘yinchi uchun duelda Fransiyaning boshqa klubi – PSJning imkoniyati yuqori baholanmoqda.
“Marsel” Liga 1 musobaqa jadvalida uchinchi o‘rinni egallab turgan bo‘lsa-da, navbatdagi transfer oynasi vaqtida tarkibini, ayniqsa, himoya chizig‘ini kuchaytirmoqchi. Bu klub aslida himoyaning ikki qanoti va markazini mustahkamlashi lozim, biroq buning uchun moliyaviy imkoniyatlar chegaralangan.
Shu bois, marselliklar himoyaning har uchala pozitsiyasida o‘ynay oladigan “Lans”ning 20 yoshli o‘yinchisi Abduqodir Husanovga qiziqmoqda. 2023 yilning yozida 100 ming yevroga transfer qilingan va O‘zbekiston milliy terma jamoasi safida 18 ta uchrashuv o‘tkazib ulgurgan iste’dod egasi o‘z o‘yini bilan Fransiyada hammani hayratga solyapti.
Liga 1 o‘yinlarida u o‘zini ishonchli o‘yinchi sifatida ko‘rsata oldi. Abduqodir himoyani boshqargan o‘nta uchrashuvda “Lans” jami yettita gol o‘tkazgan edi. Husanov o‘ynamagan ikki uchrashuvda raqiblar Bris Samba darvozasini besh bor ishg‘ol qildi.
Bunaqa talant egasini “Pari Sen-Jermen” ham nazardan qochirgani yo‘q. Parijliklar o‘yinchi uchun kurashda “Marsel”ni ortda qoldirishga tayyor. Marsellik mutasaddilar himoyachining o‘yinlarini kuzatayotgan bir paytda parijliklar sport direktori Luish Kampush transfer bo‘yicha muzokaralarni boshlab yubordi. Milan Shkrinyarning yanvarda ketishi PSJdan himoya markaziga yangi o‘yinchi olishni talab etadi, - deb yozmoqda topmercato.com portali eksperti Maksim Bryun.
Boshqa manba – jeunesfooteux.com sayti transferning moliyaviy imkoniyatlarini o‘rganib chiqdi.
- “Lans” klubi va uning prezidenti Jozef Ugurlyan uchun navbatdagi transferlar oynasi qizg‘in bo‘lishi kutilmoqda. Sport direktori Per Dreossi yanvarda 40 million yevro atrofidagi savdoni amalga oshirib, shu summani klub g‘aznasiga yo‘naltirishi lozim.
Transferi amalga oshishi mumkin bo‘lgan o‘yinchilar ro‘yxatida Kevin Danso va David Pereyra da Koshta bor.
Biroq so‘nggi pallada klub budjetiga mo‘may daromad keltirishi mumkin bo‘lgan yangi nom paydo bo‘ldi. Bu Abduqodir Husanov. O‘zbek fubolchisi Angliyadan “Tottenxem” va “Chelsi” nishoniga tushgan. Unga “Marsel” va PSJ ham da’vogarlik qilmoqda. Bir necha manbalar 20 yoshli futbolchining transferini kamida 24 millionga baholamoqda.
PSJning bu summa atrofidagi taklifi “Lans”ni qanoatlantirishi qiyin. Biroq parijliklar Husanov uchun kurashda “Marsel” prezidenti Pablo Longoriyani dog‘da qoldirishi mumkin. Chunki “Marsel” moliyaviy jihatdan parijliklarga yetarli darajada raqobat ko‘rsata olmasligi tobora oydinlashib bormoqda, - deb yozdi jeunesfooteux.com sayti.
Eslatib o‘tamiz, transfermarkt.world portali ekspertlari Abduqodir Husanovning transferini 5 million yevroga baholagan. Biroq “Lans” o‘z kashfiyotini bu narxdan bir necha baravariga qo‘yib yuboradi. Aksariyat manbalar lansliklar Husanov transferidan 40 million yevro atrofida pul tushirishni ko‘zlayotganini yozmoqda.
Demak, kuzatishda davom etamiz. Husanov transferi atrofidagi gaplar hali ancha qiziydigan ko‘rinadi. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
100 mln so‘mgacha bo‘lgan kreditlar soddalashtirilgan tartibda ajratiladi
Germaniya razvedkasi rahbari: “Rossiya yaqin yillarda NATOga hujum qilishi mumkin”
Medvedev Rossiya NATO harbiy bazalariga zarba yo‘llashi mumkinligini istisno qilmadi
Gretsiyada minglab odamlar NATOga qarshi namoyish o‘tkazdi
Slovakiya bosh vaziri Putinning taklifini qabul qildi
Eron Isroil bilan keng ko‘lamli urushga tayyorligini ma’lum qildi
Bosh kiyimsiz yurishning organizmga qanday ta’siri bor?
Dekabr oyida bizni qanday ob-havo kutmoqda?
