Abduqodir Husanov ikki o‘yinlik diskvalifikatsiyadan keyin Fransiya chempionatining 13-turida yana maydonga qaytdi.
Ta’kidlash joizki, ko‘plab ekspertlar o‘zbek himoyachisi ishtirok etmagan o‘yinlarda “Lans” ko‘p gol o‘tkazganiga e’tibor qaratdi. Misol uchun, legionerimiz to‘p tepgan 10 ta uchrashuvda lansliklar jami yettita gol o‘tkazgan bo‘lsa, so‘nggi ikki bahsda raqiblar Husanov yo‘qligidan foydalanib, Bris Sambani besh bor o‘z ortidan to‘p olib chiqishga majbur qildi.
Abduqodir Husanov diskvalifikatsiyani o‘tab bo‘lib, “Reyms” mezbonlik qilgan uchrashuvda to‘liq ishtirok etdi. Mezbonlar butun uchrashuv davomida “Lans” himoyasini yorib o‘tolmadi. Aksincha, Uill Still shogirdlari ikkita gol urib, g‘alabani ilib ketdi.
Fransiya futbolini yoritib kelayotgan le11hdf.fr ushbu bellashuvdagi “Lans”ning eng yaxshi o‘yinchisini aniqlash maqsadida so‘rovnoma tashkil qildi. Odatda bunday so‘rovnomalarda Abduqodir Husanovning katta ustunlik bilan g‘olib chiqishi odat tusiga aylangan.
Lekin bu gal bahsning eng yaxshi o‘yinchisi sifatida muxlislar Adriyen Tomassonni tanladi. Abduqodir ikkinchi o‘ringa loyiq ko‘rilib, “taxt”ni vaqtincha jamoadoshiga topshirdi.
So‘rovnoma natijalari quyidagicha ko‘rinish oldi:
- Adriyen Tomasson: 78%
- Abduqodir Husanov: 7%
- Anjelo Fuldjini: 6%
- Kevin Danso, Mbala Nzola: 3%
- Bris Samba, Fakundo Medina: 1%.
Mavsum boshidan beri “Lans”ning har bir uchrashuvdagi eng yaxshi o‘yinchisini aniqlash yaxshi an’anaga aylangan. Bunda muxlislarning ovozi muhim ahamiyat kasb etadi.
Hozirgacha, so‘rovnomada eng ko‘p g‘alaba qozongan futbolchi Abduqodir Husanov bo‘lib turibdi. 20 yoshli himoyachi oltita uchrashuvda asosiy qahramon sifatida tanlangan. Legionerimiz Konferensiyalar ligasida “Panatinaikos”ga qarshi javob o‘yini, Fransiya chempionatida “Monako”, “Lion”, “Nitssa”, “Strasbur” va “Sent-Eten”ga qarshi o‘tkazilgan bahslarda eng yaxshi o‘yinchi, deb topilgan.
“Lans” vakillaridan Uesli Said “Anje”, Kevin Danso “Panatinaikos” (birinchi o‘yin), Yoanner Chaves “Brest”, Bris Samba “Renn” va PSJ, Fakundo Medina “Lill” hamda Adriyen Tomasson “Nant” hamda “Marsel”ga qarshi o‘tkazilgan uchrashuvlardan keyin so‘rovnoma g‘olibi bo‘lgan.
Bundan tashqari, jamoaning yetakchi himoyachisi Kevin Danso “Lans”ning avgust oyidagi eng yaxshi futbolchisi nomiga loyiq topilgan edi. Abduqodir Husanov esa, sentyabr va oktyabr oylarida jamoasining eng zo‘r o‘yinchisi sifatida e’tirof etildi.
Eslatib o‘tamiz, Abduqodir Husanov 2023 yilning yozidan beri “Lans” jamoasi sharafini himoya qilib kelmoqda. U Fransiya chempionatidagi birinchi o‘zbek futbolchisi sifatida tarixga o‘z nomini muhrlab qo‘ygan. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Erdo‘g‘on BMTni isloh qilishga chaqirdi
1 dekabrdan qonunchilikda nimalar o‘zgaradi?
Suriya prezidenti Bashar Asad murakkab vaziyatga izoh berdi
Yapon psixiatri qiyinchiliklarni qanday yengish va mazmunli yashash sirlarini aytdi
Qaysi navli mandarinlar eng shirin bo‘ladi?
AQSH Gruziya bilan strategik hamkorlikni to‘xtatdi
Ukrainalik askarlar Rossiya bilan muzokaralar olib borishni istashmoqda
Qon bosimini qanday qilib doim me’yorda ushlab turish mumkin?
