SSKA Fayzullayevni qo‘yib yubormoqchi emas

SSKA legionerimiz Abbosbek Fayzullayevni jamoada saqlab qolishni rejalashtirmoqda. Moskva klubi 21 yoshli futbolchiga yaxshilangan shartlar asosida yangi mehnat shartnomasini taklif qilmoqda. Bu haqda Metaratings xabar bermoqda.

Fayzullayev SSKAga 2023 yil avgust oyida "Paxtakor" safidan kelib qo‘shilgan edi. Shu vaqt mobaynida u rasman 54 ta o‘yinda qatnashib, 8 ta gol urishga va 20 ta golli pas berishga muvaffaq bo‘lgan.

Abbosbek Fayzullayevning amaldagi shartnomasi 2025/2026 yilgi mavsum oxirigacha amal qiladi. Hozirda SSKA Rossiya Premer-ligasi turnir jadvalida oltinchi o‘rinni egallab turibdi. “Zamin”ni Telegramʻda oʻqing!