Transferlarga ixtisoslashgan transfermarkt.world portali Fransiya chempionati yuqori divizionida faoliyat yuritayotgan futbolchilardan 306 nafarining transfer narxlarini yangiladi.
O‘zbekistonlik futbol ishqibozlari e’tiborini tortgan o‘zgarishlardan biri “Lans”da o‘ynayotgan Abduqodir Husanovning transfer summasi keskin ko‘tarilgani bo‘ldi. 20 yoshli himoyachimizning transfer narxi 5 million yevrodan 12 million yevroga ko‘tarildi.
Bungacha o‘zbekistonlik charm to‘p ustalari orasida eng qimmatbaho o‘yinchilar o‘rtasida Eldor Shomurodov bilan ikkinchi o‘rinni bo‘lishib turgan Abduqodir Husanov endi birinchi pog‘onani yaqin yillar davomida hech kimga bermasa kerak.
Transfermarkt portali ekspertlari ayrim o‘yinchilarning narxini yangilagani Markaziy Osiyodagi eng qimmatbaho futbolchilar reytingiga ham ta’sir o‘tkazdi.
Quvonarlisi shundaki, mintaqaning eng qimmat futbolchilari reytingining yuqori pog‘onalari o‘zbek charm to‘p ustalari tomonidan band qilindi.
“Top-10” quyidagicha ko‘rinish oldi:
1. Abduqodir Husanov (O‘zbekiston), “Lans” Fransiya – 12 million yevro.
2. Abbosbek Fayzullayev (O‘zbekiston), SSKA Rossiya – 6 million yevro.
3. Eldor Shomurodov (O‘zbekiston), “Roma” Italiya – 5 million yevro.
4 Baxtiyor Zaynutdinov (Qozog‘iston), “Beshiktosh” Turkiya – 4 million yevro.
5. Nurali Alip (Qozog‘iston), “Zenit” Rossiya – 3 million yevro.
6. Oston O‘runov (O‘zbekiston), “Persepolis” Eron, Otabek Shukurov (O‘zbekiston), “Al-Feyha” Saudiya Arabistoni – 2,5 million yevro.
7. Jaloliddin Masharipov (O‘zbekiston), “Istiqlol” Eron – 1,7 million yevro.
8. Abduvohid Ne’matov (O‘zbekiston), “Nasaf”; Husniddin Aliqulov (O‘zbekiston), “Rizespor” Turkiya; Hojimat Erkinov (O‘zbekiston), “Al-Vahda” Birlashgan Arab Amirliklari – 1,5 million yevro.
9. Akmal Mozgovoy (O‘zbekiston), “Nasaf” – 1,3 million yevro.
10. Rustam Yatimov (Tojikiston), “Rostov” Rossiya; Odiljon Hamrobekov (O‘zbekiston), “Navbahor”; Sherzod Nasrullayev (O‘zbekiston), “Nasaf”; Maksim Samorodov (Qozog‘iston), “Axmat” Rossiya – 1,2 million yevro.
Reytingdan ko‘rinib turibdiki, o‘zbek futbolchilaridan 12 nafarining transfer summasi bir milliondan oshgan. Bu ko‘rsatkich bo‘yicha Qozog‘istonda uch nafar, Tojikistonda bir nafar o‘yinchi bor. Turkmaniston va Qirg‘iziston futbolchilari reytingning yuqori qismidan joy olgani yo‘q. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Mayk Tayson: “Yig‘ladim va qasos olishga va’da berdim”
Bashar Asad oilasi bilan Moskvaga qochib kelgani ma’lum bo‘ldi
Tadqiqot: Kunlik qahva iste’moli umrni uzaytirib, hayot sifatini yaxshilashga yordam beradi
Tokioda tug‘ilish darajasini oshirish uchun 4 kunlik ish haftasi joriy etiladi
Isyonchilar Damashq qamoqxonasida kutilmagan holatga duch kelishdi
"Metallurg" 2025 yil Superligada o‘ynaydi
Germaniyada suriyaliklar Bashar Asad hokimiyatdan ag‘darilganini ommaviy ravishda nishonladi
Bashar Asadning yaqin qarindoshi osib o‘ldirildi
