Fransiyada futbolni yoritib borayotgan manbalar har bir uchrashuvdan keyin jamoalar o‘yini, futbolchilar harakatini tahlil qilib borishi yaxshi an’anaga aylangan.
Liga 1 turnirining 15-turida “Lans” jamoasi “Oser” futbolchilari mehmoni bo‘lib, safar uchrashuvi 2:2 hisobida durang o‘ynadi va bir ochkoni qo‘lga kiritdi.
Futbolga ixtisoslashgan nufuzli manbalardan biri – le11hdf.fr portali “Lans” muxlislari o‘rtasida so‘rovnoma o‘tkazib, uchrashuvda jamoaning eng yaxshi o‘yinchisi kim ekanini aniqladi.
So‘rovnomaning umumiy natijasiga ko‘ra, eng ko‘p ovoz to‘plagan Abduqodir Husanov “Oser”ga qarshi bahsda “Lans”ning eng yaxshi o‘yinchisi, deb e’tirof etildi.
Natijalar quyidagicha ko‘rinish oldi:
- Abduqodir Husanov: 29%
- Pshemislav Frankovski: 21%
- Nil El-Aynaui: 20%
- Remi Labo Laskari: 10%
- Mbala Nzola: 9%
- Edrian Tomasson: 6%
- Anjelo Fuljini: 2%
- Bris Samba, Kevin Danso, Fakundo Medina: 1%
- Anass Zaruri: 0%
- Abduqodir Husanov har doimgidek yana birinchi bo‘ldi. Bu hech kim uchun syurpriz emas, balki odatiy holga aylanib qoldi. Har bir uchrashuvda o‘zbek legioneri jamoaning eng yaxshi o‘yinchilaridan ekanini isbotlab kelmoqda.
“Oser”ga qarshi kechgan bahsda ham shunday bo‘ldi. Raqib futbolchilari Husanovdan hayiqib o‘ynadi. Abduqodir bilan to‘qnash kelgan Pol Joli simulyatsiya orqali penalti ishlamoqchi bo‘ldi. Katta tezlik, o‘yinni nazorat qila olish qobiliyati bilan Husanov himoyadagi vazifalarini uddalash barobarida hujum tashkil etishda ham faollik ko‘rsatdi, - deb yozmoqda le11hdf.fr portali eksperti Enso Paylot.
Ta’kidlash joizki, “Lans” futbolchilari orasida uchrashuvning eng yaxshi o‘yinchisi e’tirofiga ega bo‘lishda Abduqodir Husanovga yetadigani yo‘q. Hamyurtimiz joriy mavsumda sakkizinchi uchrashuvda eng zo‘r futbolchi nomini qo‘lga kiritdi.
Bu borada umumiy ro‘yxat quyidagicha ko‘rinish olgan:
- Uesli Said: “Anje”ga qarshi uchrashuvda eng yaxshi futbolchi.
- Kevin Danso: “Panatinaikos”.
- Yoanner Chaves: “Brest”.
- Abduqodir Husanov: “Panatinaikos”, “Monako”, “Lion”, “Nitssa”, “Strasbur”, “Sent-Eten”, “Monpele”, “Oser”.
- Bris Samba: “Renn”, PSJ.
- Fakundo Medina: “Lill”.
- Adriyen Tomasson: “Nant”, “Marsel”, “Reyms”
Bundan tashqari, 20 yoshli markaziy himoyachimiz “Lans”ning sentyabr va oktyabr oylaridagi eng yaxshi futbolchisi, deb topildi. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xorijlik mutaxassislar uchun 2024 yildagi eng yaxshi shaharlar reytingi e’lon qilindi
Turkiya Suriyaning yangi hukumatini harbiy sohada qo‘llab-quvvatlamoqchi
Abduqodir Husanovning transfer bahosi Ronalduniki bilan tenglashdi, navbat Messiga(mi?)
Ertaga Murodjon Ahmadaliyev professional boksdagi navbatdagi jangini o‘tkazadi
Namanganda xalqaro ko‘rgazma: qiymati xonadonga teng otlar, 200 kiloli qo‘ylar va osmonga uchirilgan kabutarlar (foto, video)
Rossiyaning G‘arbiy Ukrainaga hujumi urush davridagi eng yirik hujum bo‘ldi
Tadqiqot: havoning ifloslanishi odamlarda depressiyani oshiradi
2025 yilda 1 mln 200 ming aholini kambag‘allikdan chiqarish rejalashtirilyapti
