Abbosbek Fayzullaev: “Jirona”ni tanlayman...

Abbosbek Fayzullaev — Oʻzbekiston va Rossiyaning eng yorqin futbolchilaridan. 21 yoshli hujumkor futbolchi yosh boʻlishiga qaramay, bugungi kunda SSKA va Oʻzbekiston milliy terma jamoasi etakchisi hisoblanadi.

2024 yilda legionerimiz Osiyoning eng yaxshi yosh futbolchisi, Oʻzbekistonda yilning eng yaxshi futbolchisi singari individual sovrinlarni qoʻlga kiritdi.

Fayzullaev jurnalistlarning savollariga javob qaytarib, intervyu berdi.

1-Qism: Abbosbek Fayzullaev: Xolandning koʻzoynagidan ham oldim, mashgʻulotlarga borgim kelmay qoldi...

2- Qism: Abbosbek Fayzullaev: Xudo bersa, “Barselona”ga boraman!

Davomi:

— Abbos, Rossiya Premer-ligasining boshqa klubiga oʻtishing mumkinmi?
— Yoʻq, deb oʻylayman. SSKAda oʻzimni yaxshi his qilyapman, bu erda hammasi qoniqtiryapti. Rossiya ichida nimanidir oʻzgartirish menga nega kerak?

— Agar “Zenit” senga koʻp pul bersachi?
— Xoʻsh...

— Uni tanlaysanmi yoki misol uchun, oʻrtacha maosh bilan “Jirona”nimi?
— “Jirona”ni.

— Futbol nuqtai nazaridan Evropada oʻynashga tayyormisan?
— Yozda tayyor emasdim, bunisi aniq. Hozir bilmayman. Jismoniy tomondan kuchayishim kerak. Hozir shuning ustida ishlayapman.

Yozdan beri jismoniy tayyorgarlik boʻyicha murabbiy bilan qoʻshimcha ishlayapman. U har oy menga individual reja beryapti. Mushaklarimni ortiqcha oʻstirishni istamayman, bu tezlik va texnikamga ziyon. Lekin sal baquvvat boʻlishim kerak.

Individual mashgʻulotlar menga yordam berayotganini va kuchayganimni his qilyapman. Bu maydonda ham sezilyapti – har qanday yakkakurashga qoʻrqmay kiryapman.

— Raqiblardan aynan kim bilan ayovsiz toʻqnashuvlar boʻlyapti?
— “Rubin”dagi Kabutov bilan. Ikkimiz ham bir birimizga uchib kelib toʻqnashyapmiz.

“Zamin” yangiliklarini “Telegram”da kuzatib boring