Abbosbek Fayzullayev: Yaqinlarimni Monakoga olib ketaman!

Abbosbek Fayzullayev — O‘zbekiston va Rossiyaning eng yorqin futbolchilaridan. 21 yoshli hujumkor futbolchi yosh bo‘lishiga qaramay, bugungi kunda SSKA va O‘zbekiston milliy terma jamoasi yetakchisi hisoblanadi.

2024 yilda legionerimiz Osiyoning eng yaxshi yosh futbolchisi, O‘zbekistonda yilning eng yaxshi futbolchisi singari individual sovrinlarni qo‘lga kiritdi.

Abbosbek Fayzullayev jurnalistlarning savollariga javob qaytarib, intervyu berdi.

1-Qism: Abbosbek Fayzullayev: Xolandning ko‘zoynagidan ham oldim, mashg‘ulotlarga borgim kelmay qoldi...

2- Qism: Abbosbek Fayzullayev: Xudo bersa, “Barselona”ga boraman!
3-Qism: Abbosbek Fayzullayev: “Jirona”ni tanlayman...

Davomi:

— Haqiqatan ham, “Monako”ga o‘tsang, yaqinlaringni o‘zing bilan olib ketasanmi?
— Albatta.

— Unda nega ularni Moskvaga olib kelmading?
— Ular bu yerlarda zerikib qolishdi. Bir-ikki haftaga kelishadi, darrov Sirdaryoni sog‘inib qolishadi. Hamma qarindoshlar, do‘stlari o‘sha yerda.

— Sen onang uy bekasi va otang dorixonada ishlashini aytgan eding. Hali ham shunday pul topishadimi?
— Ha. Lekin bu juda katta maosh emas. Shunchaki, o‘zlari uchun. Uyimiz yonida joy bor, ana shu dorixona qilingan. Otam qo‘ng‘iroq ovozini eshitsa, chiqib savdo qiladi. Buni xobbi deyish mumkin.

Men ularga Toshkentga ko‘chib o‘tishni taklif qilgandim, u yerda 13 yoshli ukam o‘qiydi. Otam istamadi, unga yoqmadi.

— Ota-onangga eng zo‘r nima sovg‘a qilding?
— Toshkentdan uy. Onam buni doim orzu qilgan. Imkoniyatim bo‘lishi bilan onamning orzusini ro‘yobga chiqardim. Hozir bu uyda ukalarim yashayapti.

— Ijtimoiy tarmoqlardagi sahifangda yarim million obunaching bor. Hozir O‘zbekistonda Prezidentdan keyingi eng mashhur inson senmisan?
— Xa-xa, sal oshirvordingiz. Bizda mendan ancha nomdor bo‘lgan qo‘shiqchi va aktyorlar ko‘p.

— O‘zbekistonda seni tanib qolishyaptimi?
— Ha, ko‘pchilik kelib, suratga tushadi. Ovqatlanish joylarida bosh oshpazdan siylovlar bo‘lib turadi. Eng kulgilisi, ayrimlar hatto o‘zimning qarindoshlarimga ham mening xolam, tog‘am ekanliklarini aytishadi.

— Moskvada ham tanishyaptimi?
— Ha, bo‘lib turadi. Lekin Moskva juda katta shahar bo‘lgani uchun mashhurligim O‘zbekistonda bo‘lgani kabi emas. O‘zbekistonda meni deyarli hamma taniydi. Shunchaki restoranga borib kelishning imkoni yo‘q, baribir kimdir tanib qoladi va oldimga keladi.

— Sen suratga tushishdan bosh tortmaydigan odamga o‘xshaysan.
— Ha, shunday, yo‘q demayman.

— Ayrim yosh futbolchilar nomi chiqqanidan keyin yulduzlik kasaliga uchraydi. Senga oddiy bo‘lib qolishingda nim yordam beradi?
— Meni ota-onam, amakim shunaqa tarbiyalagan, eng muhimi shu. Agar men biror nimaga erishgan bo‘lsam, bu hurmatsizlik qilishim mumkin, degani emas.

“Zamin”ni Telegramʻda oʻqing!