“Lans” kashfiyotiga aylangan Abduqodir Husanov Evropaning bir necha klublari orzusiga aylangani hech kimga sir emas.
Asosiy da'vogarlardan biri “Pari Sen-Jermen” oʻzbek futbolchisi timsolida jamoaning eng yoshi katta oʻyinchisi Markinosga munosib oʻrinbosarni koʻrmoqda. 30 yoshli braziliyalik markaziy himoyachi 2014 yildan beri Parij klubida munosib toʻp tepib kelmoqda. Biroq kelajak uchun uning oʻrnini toʻliq bosa oladigan boshqa himoyachi topish davr talabidir.
Yaqinda Frantsiya kubogi doirasida Abduqodir Husanov “Lans” safida PSJga qarshi yuqori darajada oʻynagani papijliklarning 20 yoshli futbolchiga qiziqishini yanada oshirdi.
L'Equipe nashrining yozishicha, parijliklar yanvarda chap qanot hujumchisi va markaziy himoyachi qidirmoqda. Manbaga koʻra, Abduqodir chempion jamoaning barcha talablariga toʻliq javob bera oladi.
Yanvarda Milan Shkrinyar ketishi bilan tarkibda Markinosga oʻrinbosar qolmaydi. Zamonaviy futbolda markaziy himoyachisiz oʻynashning oqibatlari ogʻir boʻlishi hammaga ayon.
PSJ bir necha yosh markaziy himoyachilar roʻyxatini tuzib, ularni bosh murabbiy Luis Enrike talablari asosida saralab chiqdi. Yangi keladigan oʻyinchidan ispan mutaxassisining oʻyin tamoyillarini tez oʻzlashtirish va yakkakurashlarda qoʻrqmay kurashish talabi qoʻyiladi. Ekspertlar bu talablarga “Lans” markaziy himoyachisi Abduqodir Husanov mos ekanini ta'kidladi.
Frantsiyaning nufuzli manbalaridan L'Equipe “Lans” selektsiya boʻlimi rahbari Diego Lopesdan Abduqodir Husanov transferi boʻyicha klub pozitsiyasini aniqlashtirishni soʻradi. Javob quyidagicha boʻldi:
- Husanov qishda transfer qilinishi mumkin. Chunki biz klub loyihasidan kelib chiqib, shunday qarorga keldik. “Lans” bosh direktori Per Dreossi bilan vaziyatni sinchiklab tahlil qildik va oʻyinchi transferi uchun mandat (25-30 million evro) belgiladik. Bu narx ichki bozor tahlili, transfer summasi va boshqa koʻplab omillar inobatga olingan holda belgilandi, - dedi Diego Lopes.
“Lans” selektsiya boʻlimi rahbari Diego Lopesning izohidan keyin Abduqodir Husanovni transfer qilishni istayotgan klublar moʻljalni qanday olishni biladi. Zero, 20 yoshli futbolchimizning xaridorlari soni oshib bormoqda. Soʻnggi ma'lumotlarga qaraganda, Abduqodir uchun kurashga Frantsiya, Angliya, Germaniya, Italiya, Ispaniya klublaridan tashqari, Turkiya grandlari ham qoʻshildi.
Demak, kuzatishda davom etamiz, qishki transferlar oynasi ochilishi bilan Abduqodir Husanov mavzusi yana qaynaydi... “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Husiylar hujumi Misrga 7 mlrd dollar zarar keltirdi
Netanyaxuning rafiqasi guvohlarni ta'qib qilishda ayblanmoqda
Rim papasi Rossiya va Ukrainani qurollarini tashlashga chaqirdi
Putin MDH etakchilari bilan uchrashuvda qanday fikrlar bildirdi?
Seul: Shimoliy Koreya Rossiyaga yana qoʻshin joʻnatishga tayyorlanmoqda
Muhammad Salohning qaysi harakati uchun misrliklarning tanqidlari "yomgʻiri yogʻildi"...?
100 nafar falastinlik vaqtincha Oʻzbekistonga evakuatsiya qilindi
Messining oʻyinidagi qaysi jihat Yamalni hayron qoldirgan?
