"Nasaf" yarim himoyachisi bilan shartnomani uzaytirdi

Javohir Sidiqov keyingi mavsum ham "Nasaf"da toʻp tepadi. Klub u bilan shartnoma muddatini uzaytirganini e'lon qildi.

Sidiqov "ajdarlar" tarkibiga 2023 yilda kelib qoʻshilgan. Bir mavsumlik ijaradan soʻng jamoa u bilan bitim imzolagandi. 2024 yilning soʻnggida oʻz nihoyasiga etgan shartnomadan soʻng yarim himoyachi Qarshini tark etishi kutilgandi, lekin rahbariyat futbolchini olib qolishga qaror qildi.

Eslatib oʻtamiz, Javohir oʻtgan mavsum "Nasaf" tarkibida 30 ta oʻyinda maydonga tushib, 3 ta gol urdi va 3 ta assist amalga oshirdi. “Zamin”ni Telegramʻda oʻqing!