Abduqodir Husanovning otasi Hikmat Hoshimov haqida nimalarni bilasiz?

_{Rasm: Championat.asia}
Abduqodir Husanovning otasi Hikmat Hoshimov oʻz davrining etakchi oʻzbek futbolchilaridan biri boʻlgan. U 1979 yil 12 mayda tugʻilgan. Futbolchilik faoliyatida asosan himoyachi va yarim himoyachi pozitsiyalarida harakat qilgan. Hoshimov “MHSK”, “Doʻstlik”, “Soʻgʻdiyona”, “Metallurg”, “Lokomotiv”, “Andijon”, “Nasaf” va “Bunyodkor” kabi mashhur jamoalar safida toʻp surgan.

Milliy darajada u Oʻzbekiston terma jamoasi tarkibida 13 ta oʻyinda ishtirok etib, 1 ta gol urgan. Uning oʻyin uslubi ishonchli himoya, toʻgʻri paslar va jamoani qoʻllab-quvvatlash qobiliyati bilan ajralib turgan.

Hikmat Hoshimov nafaqat futbol maydonida, balki shaxsiy hayotida ham oʻgʻli Abduqodir Husanov uchun katta ibrat va tayanch boʻlgan. Abduqodirning aytishicha, uning otasi juda talabchan, bir vaqtning oʻzida doimo unga ishonch bildirgan.

Shuningdek, Hoshimov oʻgʻlining karerasiga doimiy ravishda yordam koʻrsatib keladi. Ayni paytda u Abduqodir Husanovning transfer jarayonlarida faol ishtirok etmoqda. Hozirda Husanovning narxi 30–40 million yevroga baholanmoqda va u Evropaning bir qator yirik klublari diqqat markazida turibdi.

Bundan tashqari, Hikmat Hoshimovning futbolchilik faoliyatida toʻplangan boy tajribasi Abduqodir Husanovga oʻz sohasida professional boʻlishda yordam bermoqda. Uning sportga boʻlgan sadoqati va mehnati bugungi kunda oʻgʻlining muvaffaqiyatlarida oʻz aksini topgan. “Zamin” yangiliklarini “Telegram”da kuzatib boring