Bugun Oʻzbekiston futzal federatsiyasi prezidenti Bekzod Mamatqulov Varshava shahrida Polsha futbol federatsiyasi vitse-prezidenti Adam Kazmerchyak bilan uchrashdi.
Oʻzbekistonning Polshadagi favqulodda va muxtor elchisi Amirsaid A'zamxoʻjayev hamrohlik qilgan uchrashuv davomida har ikki mamlakat futboli va futzali rahbarlari Oʻzbekiston futbol assotsiatsiyasi hamda mamlakatimiz futzal federatsiyasi va Polsha futbol federatsiyasi oʻrtasida doʻstona aloqalarni oʻrnatish, koʻplab yoʻnalishlar boʻyicha hamkorlikni yoʻlga qoʻyish borasida kelishib olishdi.
Shuningdek, Bekzod Mamatqulov va Adam Kazmerchyak har ikki mamlakat U-18 va U-20 yosh toifasidagi terma jamoalarni hamda Oʻzbekistonda ayollar futzalini rivojlantirish boʻyicha samarali hamkorlik qilish borasida kelishib olishdi. Jumladan, kuz faslida Oʻzbekiston va Polshaning ham erkaklar, ham ayollar terma jamoalari ishtirokida oʻrtoqlik uchrashuvlari tashkil etish borasida qaror qabul qilindi.
Uchrashuv soʻngida Adam Kazmerchyak mehmonlarga jahon futboli yulduzi, Polsha milliy terma jamoasi sardori Robert Levandovskining dastxati tushirilgan maxsus futbolkani taqdim etdi.
Manba: Oʻzbekiston futzal federatsiyasi matbuot xizmati “Zamin” yangiliklarini “Telegram”da kuzatib boring
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
