"Qizillar" soʻnggi bor 2015 yilning noyabrida APL doirasida "Manchester Siti"ni mehmonda magʻlub etgan edi. Oʻshandan beri qariyb oʻn yil oʻtdi, ammo "Liverpul" "Etihad"dagi qargʻishni yoʻq qilishga muvaffaq boʻlgani yoʻq.
2015 yildagi gʻalaba va oʻsha davrning qahramonlari
Oʻshanda "Liverpul" 4:1 hisobida gʻalaba qozongandi. Gollar muallifi sifatida Eliakvim Mangala (avtogol), Filippe Koutino, Roberto Firmino va Lukas Leyva qayd etilgan. Bugun ular qayerda ekanini eslaysizmi?
- Mangala – faoliyatini davom ettirmoqda, ammo ilk darajada emas.
- Koutino – Braziliyada, "Vasko da Gama"ga qaytgan.
- Firmino – Saudiya Arabistonida "Al-Axli" safida.
- Lukas Leyva – faoliyatga yakun yasagan.
Bugungi vaziyat
Hozirgi "Liverpul" yuqori saviyada va "Siti" inqiroz holatida. Slot jamoasi, ayniqsa, bu mavsumda kuchli harakat qilmoqda va chempionlik yoʻlida jiddiy da'vogar hisoblanadi. Soʻnggi yillarda "Etihad"dagi muvaffaqiyatsizliklar bugun yakun topishi mumkin.
Slot la'natni yoʻq qila oladimi?
Keng jamoatchilikda "Etihad"da "Liverpul" gʻalaba qozona olmaydi degan fikr keng tarqalgan. Ammo bu safar Slotning shogirdlari gʻalaba qozonish uchun eng katta imkoniyatga egadek koʻrinmoqda. Bu oʻyin "Liverpul" uchun nafaqat uch ochko, balki psixologik ustunlikni qoʻlga kiritish uchun ham muhim ahamiyat kasb etadi.
Koʻramiz, bugun bu tarixiy seriya tugaydimi yoki "Liverpul" yana bir bor "Etihad"dagi muvaffaqiyatsizlikka duch keladimi? “Zamin” yangiliklarini “Telegram”da kuzatib boring
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
