Xosep Gvardiola: Uning jamoamda oʻynagani, menga omad keltirdi

"Manchester Siti" bosh murabbiyi Xosep Gvardiola "Barselona" jamoasida argentinalik hujumchi Lionel Messi bilan birga ishlagan davrini xotirladi.

- Faoliyatimda Messi mening jamoamda oʻynagani menga omad keltirdi. Biz bir necha yil birgalikda mehnat qildik. Bu ajoyib davr edi, - dedi ispaniyalik mutaxassis.

Messi va Gvardiola boshchiligidagi "Barselona" Chempionlar Ligasini ikki marta qoʻlga kiritgan, shuningdek, uch karra Ispaniya chempioni unvoniga sazovor boʻlgan.

54 yoshli murabbiy "Manchester Siti"ni 2016 yilning yozidan beri boshqarib kelmoqda. Tomonlar oʻrtasidagi amaldagi shartnoma 2027 yil iyun oyining oxirida oʻz nihoyasiga etadi. “Zamin” yangiliklarini “Telegram”da kuzatib boring