Ertaga "Al Hilol"ning qaysi futbolchilari "Paxtakor"ga qarshi o‘ynamaydi?

Ertaga Elit OCHL 1/8 finalidan o‘rin olgan "Paxtakor" – "Al Hilol" uchrashuvi bo‘lib o‘tadi. Saudiya Arabistoni jamoasi Toshkentga bir qator yo‘qotishlar bilan yetib keldi.

"Al Hilol" matbuot xizmatiga ko‘ra, 6 nafar futbolchi ertaga maydonga tushmaydi:

• O‘ng qanot himoyachisi Hamad Al Yami yelkasidan jarohat olgan;
  
• Qanot himoyachisi Joau Kanselu tizzaosti payini uzib olgani uchun 8 hafta davolanadi;
  
• Chan qanot himoyachisi Renan Lodi hozircha sport zalida shug‘ullanmoqda;
  
• Hujumchi Aleksandar Mitrovich jamoa O‘zbekistondan qaytganidan keyin mashg‘ulotlarga qo‘shiladi;
  
• Markaziy himoyachi Hasan Al Tambakti jarohatdan tiklanishda davom etmoqda;
  
• Chap qanot himoyachisi Yosir Al Shahroni tiklanish jarayonini davom ettirmoqda, jamoa mashg‘ulotlarining bir qismida qatnashdi.
  

Eslatib o‘tamiz, "Paxtakor" – "Al Hilol" bellashuvi ertaga "Jar" stadionida 21:00 da start oladi.

Manba: alhilal.com “Zamin”ni Telegramʻda oʻqing!